برهانيات كوم
سؤال : هل الأولياء لما تنادي عليهم يسمعوا أو يردوا . وهل ده للرؤساء والأقطاب فقط ؟الجواب : بالخواطر قبل النداء .. وده مطلق الأولياء .. وبعدين العلم ينفي الجهل بأي شئ ـ الأولياء ما جايبين خير للناس والناس ما جايبين خير للأولياء وكل ده ناتج من عدم التصفي يعني الصفاء الناتج عن الاجتهاد في الذكر .وليس بالذكر والفكر تنال الوصال بالصفا والمحوالذكر عاوزينه علشان يصفي . والشطارة تخليك في السكة دي وتحافظ عليها لغاية ما تموت . وبعدين الفلوس أهم من كل حاجة ـ بعدين الصحة أهم منها ـ والروح أهم من الصحة ـ يبقى بتنظيف الروح أغلى من دول كلهم يا زول والمهم حسن العقيدة والطاعة قبل كل حاجة بعدين الأوراد بتغذيها ( العقيدة ) .والعقيدة هي بمعنى العزم والجزم على الشئ اللي هو محبة الشيخ والإخوان والمحبة ما بتفضل ومتسلسلة محبة الشيخ هي محبة سيدي إبراهيم هي محبة سيدنا الحسين هي محبة النبي صلى الله عليه وسلم هي محبة ربنا .وبعدين مثلاً ( أنا أمرتك بأمر بتكون طاعتك للأمر ده بقدر احترامك لي ) يعني احترامك للأمر بقدر صاحب الأمر .وأسيادنا يقولوا : ( المجلس اللي كلامك ما بيمشي فيه ما تتكلم ) .ويقولوا : إن الكرام الكاتبين تنزلا ( الملكين ) على قلبه وحياً بما في صحيفتي ( أي مطلعين على كل شئ ) . قصة في كتاب ( تبرئة الذمة ) بتاع تلميذ بديرى أتى لسيدي عبد القادر الجيلاني فحكى له سيدي عبد القادر عن أمور حدثت له في حياته كلها فأخذ المريد يبكي وقال له : أعطني الطريقة وأخذها مشي المشايخ بيكونوا عارفين غالباً مريدينهم من الأزل ومتولينهم من قبل أخذ الطريقة .
