برهانيات كوم
السائل: عم الشيخ فيه لسيدى إبراهيم بيقولوا سر تسميته أبا العينين؟
مولانا الشيخ: أصالة كل الصحابة، كل الأنبيا، كل الأوليا بيحبوا الإسم اللى سمّاهم بيه ربنا أو اللى سمّاهم بيه النبى عليه الصلاة والسلام، بيحبوا ده خالص، سيدنا نوح اسمه عبدالغفار.السائل: سيدنا نوح؟مولانا الشيخ: إسمه عبدالغفار، ربنا سمّاه نوح فلذلك كان إسمه نوح مثلاً.السائل (معلقاً): نعم.مولانا الشيخ: سيدنا أبو بكر اسمه عبدالله، اسمه الرسمى عبدالله، النبى سمّاه أبو بكر بمعنى بكر الإسلام فكان أحسن اسم ليه أبو بكر، سيدنا عمر اسمه عمر سمّاه الفاروق، سيدنا عثمان اسمه عثمان سمّاه ذى النورين، سيدنا على اسمه على سمّاه أباتراب، خلاص؟ السيد أحمد الرفاعى اسمه أحمد، سمّاه رفاعى بقت رفاعية وهو رفاعى، كذا، السيد عبدالقادر الجيلانى اسمه محى الدين سماه عبدالقادر بقت الطريقة قادرية وهو عبد القادر، الإمام الشاذلى اسمه على ربنا قال له: يا الشاذلى يعنى المنفرد لأجلى، بقى هو شاذلى، البلد شاذلى، كل حاجة شاذلى.السائل (معلقاً): الطريقة الشاذلية.مولانا الشيخ: سمعت؟ حصل امتحان فى عالم الأول، فى عالم الأول.السائل (معلقاً): نعم.مولانا الشيخ: فى ساعة مباسطة قالوا أى واحد مننا يختفى والباقيين يجيبوه، السيد أحمد الرفاعى اختفى مشوا جابوه الباقين، السيد عبدالقادر الجيلانى اختفى جابوه الباقين، السيد البدوى اختفى جابوه الباقين، السيد ابراهيم الدسوقى بقى نقطة نور مابين حواجب النبى عليه الصلاة والسلام، فتشوا عليه ملك، ملكوت وجبروت ولاهوت وهاهوت قالوا ما لقيناه، قال له: انزل يا ابا العينين، عشان كده بقى أبى العينين
