برهانيات كوم
مولانا الشيخ: الشئ المعروف بتاع الصوفية، عندهم، معنى قوله تبارك وتعالى (الرحمن، علم القرآن، خلق الإنسان، علمه البيان) بيشوفوا إن الإنسان ما أخذ القرآن من الرحمن ما اسمه عرف حاجة من المعرفة الحقية اللى تنفعه فى الآخرة، وما ممكن يعنى الإنسان يقدر ياخد القرآن من الرحمن مالم يسرى، سريان رسمى إلى الله لغاية ما يصل للعرش، فلما يصل للعرش، بيعرجوا بيه إلى الكرسى، فبياخد القرآن من الرحمن، ده النقاش الأول، بعيدن لم ياخد القرآن من الرحمن، يتعلم يعنى يتعلم القرآن من الرحمن، والرحمن هنا مش ذات البارى تبارك وتعالى، معناه الاسم (الله) الاسم (الرحمن) زى ما ربنا يقول (الرحمن على العرش استوى)، (رفيع الدرجات ذو العرش يلقى الروح من أمره على من يشاء من عباده لينذر يوم التلاق) لما ياخد القرآن من الرحمن بيرجعوه – بيرجعوه، بعد النبى عليه الصلاة والسلام، بيرجعوه – بإذن الإرشاد، لمن يكون العملية قبل النبى عليه الصلاة والسلام بيرسلوه إلى الوجود العينى إما نبى أو رسول بعد النبى عليه الصلاة والسلام ما بيجى إلا للإرشاد، ولما كان ده الوضع الرسمى، المشايخ الرؤساء ديل بياخدوا الرقآن من الرحمن، لما يتعلموا القرآن من الرحمن بيعرفوه بمعانيه، بأسباب نزوله، بتشريعه، بخواصه، بزجوراته، بأعداده، بحالاته، بكل لوازمه، وأول من عمل الموضوع ده سيدنا سلمان الفارسى، سلمان الفارسى رضى الله عنه شى لله، الصحابه جوه اشتكوه لرسول الله، قالوا له: يا رسول الله سلمان يخلط ما بين القرآن، النبى عليه الصلاة والسلام قال لهم: روحوا جيبوه، مشوا جابوه، قال له: يا سلمان أنت تخلط بين القرآن؟ قال له: يا رسول الله سمعتك تقول (من لا شفاه القرآن لا شفاه الله) وسمعتك تقول (خذ من القرآن ما شئت لما شئت) بعدين قرأ له الآيات اللى هو لمهم عشان يستفيد بيه، النبى عليه الصلاة والسلام أقره على كده وقال له: (أنت الطيِّب المُطِّيب) بعدين المنوال ده
