علموا عنى : شرح الطلاسم والمعجمات فى الحزب الكبير

برهانيات كوم 

امبارح كنا فى السيرة ده ما طوّلنا فيه كتير، أصلاً الأكوان خمسة، الملك، الملكوت، الجبروت، اللاهوت، الهاهوت،، الملك يعنى إيه؟ يعنى السموات السبع والأرياح السبع والبحار السبع والأراضين السبع، الملكوت يعنى عالم الجنان، الجبروت يعنى حضرة العرش، اللاهوت يعنى عالم الأرواح المجردة، الهاهوت بطون الهوية، اللى كان فيه التلاقى بتاع النبى عليه الصلاة والسلام، ديل الخمسة أكوان، ظاهر؟ بعدين الشيخ بيقول (كدٍ) يعنى أتوسل إليه يا رب بالأسماء الإلهية اللى أوجدت بيها الكون اللى هو السموات السبع والبحار السبع والأراضين السبع والأرياح السبع ومن فيهن، أتوسل إليك يا رب بالأسما الإلهية اللى خلقت بها الكون ده كله، الأربع أصناف ديل، بعدين بيخاطب بيقول يا رب إنت وضحت بإنه الكون ده مسبّح قلت (سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ) 1 الحشر، قلت (يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ) 1 الجمعة، أتوسل إليك بالأسما الإلهية اللى همّ بيسبحوا بيهم عشان كان ذكر الكون ذكر دندنة فلذلك قال (كدٍ) "الدال" مكسور منون (كدٍ)، (كرددٍ) ظاهرها وباطنها (كدٍ كدٍ) ده مُش الملك؟ قال (كرددٍ) "الكاف" عالم الجنان كلها "الراء" رحمة الرحيمية اللى ربنا خلق منها الجنان كلها (ددٍ) الذكر اللى هو الموصل لعالم الجنان، "الدال" التانية المكسور المنون ذكر الجنان ذاتها وهلمجرا الخمسة مراتب فلذلك تكون عربية فصيحة، أما (بها بها بها) مش كده التلاتة ديل؟ (أحمى حميثا أطمى طميثا) مش ده سؤالك يعنى، أصالةً تبارك وتعالى يقول (ق ? وَالْقُرْآنِ الْمَجِيدِ) 1 ق، فى (ق ? وَالْقُرْآنِ الْمَجِيدِ) السيد أحمد الرفاعى لمّن سئل، شدده عليه فى معنى (ق ? وَالْقُرْآنِ الْمَجِيدِ) قال (ق) كناية عن قلب النبى عليه الصلاة والسلام (الْقُرْآنِ الْمَجِيدِ) حاجة مكتوبة فى قلب النبى عليه الصلاة والسلام (تنجنج حيصور توجه حيث شئت فإنك منصور)، السيد عبد القادر الجيلانى قال (حيصور نجيح وما محمد إلا رسول قد خلت من قبله الرسل) ده السيد عبد القادر الجيلانى، الإمام الشاذلى قال هى (طهور بدعق محببه صوره محببه سقفاطيس سقاطيم) السيد البدوى قال زى ده لكن بعد سقفاطيس زود (صيلصيم) السيد إبراهيم الدسوقى إعتمد كلام الشاذلى عشان طريقتهم واحدة، الطريقة الشاذلية البرهانية طريقة واحدة، بعدين قال لكن الإختصاصية بتاعى اللى أنا لقيته مكتوب فى قلب النبى عليه الصلاة والسلام تبارك وتعالى تفضل على رسول الله بخلعىْ التشريف، تجلى الجلال وتجلى الجمال، قال تجلى الجمال كان فى ظاهره من برّه، تجلى الجلال كان فى قلبه من جوّه، بعدين قال الجلال هو جلال الجلال، وجلال الجلال، وجلال الجمال، ده اللى كان فى قلب النبى عليه الصلاة والسلام وهى همساً همساً ن لمساً لمساً، لموساً لموساً، اللى كان من برّه برّه كان الجمال وجمال الجمال وجمال الجلال وهى بها بها بها، بهيا بهيا بهيا، بهيات بهيات بهيات، فده أصناف دايرة الإحاطة، اصالةً دايرة الإحاطة المشايخ عاملينه زى الدفّة أو زى الدركسيون بتاع العربية يلف الإنسان على حضرة الرسول إذا يرضى ولا ما يرضى، يعرف أو ما يعرف، ظاهر؟ أما أحمى حميثاً أطمى طميثاً، فيه حاجة اسمه السبعة المثانى طبعاً، السبعة المثانى دول هم سبع أنفار، سيدنا الحسن والحسين والمهدى المنتظر التلاتة ديل مراتبهم ثابتة، بعدين الأربعة الأئمة، الأربعة الخلفاء، الأربعة الأقطاب، أربعة حملة الكتاب، أربعة ملائكة المقربين، ظاهر؟ أربعة حملة العرش، ديل كلهم، كل واحد وأربعة، رؤساء الأنبياء والرسل، السبعة ديل هم السبع المثانى، ده سبعة، وده سبعة، وده سبعة، وده سبعة، وده سبعة، بعدين لشيخ بيتوسل مادام هو واحد من الأربعة، ما ممكن يقول يا رب وحياتى، فتوسل بالأكبر منه، كان هو مين؟ (المهدى المنتظر، سيدنا الحسن، سيدنا الحسين) يقول (أحمى حميثاً) أتوسل يا رب بالحواميم لكن من باب التثليث، (أطمى) طلاسم القرآن (طه، طس، طسم) دى معنى (أحمى حميثاً) و (أطمى طميثاً) وأخيراً الله أعلم ما ياهو؟ أصلاً ما قلنا الله أعلم، النهارده بس الله أعلم.