برهانيات كوم / الطريقة البرهانية
س: يا مولانا أنا للآن لا أفهم إن إبليس يعصى ربنا ويرفض السجود لآدم برغم علمه بمدى عظمة الله , هذا شئ للآن لا أستطيع فهمه , كيف إبليس يتحدى ربنا؟
مولانا الشيخ: إعكس القضية , قول ابليس سجد وآدم لم يأكل من الشجرة , لكن أصالة آدم عاوزين يخلوه فى الأرض قبل ربنا ما يخلقه (إِنِّي جَاعِلٌ فِي الأَرْضِ خَلِيفَةً) فآدم مخلوق علشان يكون خليفة فى الأرض , يروح الجنة يعمل إيه؟ أصلاً آدم عاوزينه خليفة فى الأرض فيقعد فى الجنة يعمل إيه؟ فلزم نعرف السبب , ومسبب السبب ربنا.س: هل ربنا بيهزر معانا لماذا لا يكون ذلك من الأول يعنى ليه دخل الجنة وقال له لا تأكل وبعدين يطلعه من الجنة , ليه الحكاية دى كلها آدم مخلوق أصلاً علشان يكون فى الأرض؟مولنا الشيخ: (لَا يُسْأَلُ عَمَّا يَفْعَلُ) على كيفه , دى حكم إلهية دبرها هو , ده السبب , وربنا هو مسبب السبب , زى الطاقية دى عملتها علشان أضعها على رسى , لا ينفع الحذاء ولا أى شئ آخر , لكن انت تعرف السبب ومسبب السبب هو ربنا.س: يعنى لا يصح لنا أن نسأل ليه ربنا دخل آدم الجنة وليه أكل التفاحه؟مولانا الشيخ: أصلا كلمة ليه دى بالنسبة لربنا لا تجوز (لَا يُسْأَلُ عَمَّا يَفْعَلُ) ربنا لا يشاورك علشان تديه رأيك , هو يعمل زىّ ما هو عاوز.س: يعنى آدم مكانش غلطان؟مولانا الشيخ: آدم مكانش غلطان , ليه؟ (وَعَصَى آدَمُ رَبَّهُ فَغَوَى) إذا شفت هذه الآية بهذا اللفظ تجد آدم غلطان ولكن إذا شفتها من ناحية (وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا) هو مش من أولى العزم من الرسل ولذلك نسى.س: فيه ناس قالوا الحكاية ليست أكل آدم من التفاحة فى الجنة لكن حصل اتصال جنسى بين آدم وحواء ولذلك ربنا أخرجهم؟مولانا الشيخ: مش صحيح , هى زوجته (اسْكُنْ أَنْتَ وَزَوْجُكَ الْجَنَّةَ) لما أبونا آدم خارج الجنة عاوز يقرب للسيدة حواء الملايكة قالوا له ادفع مهرها , قال مهرها كام؟ قالوا صلى على النبى عشر مرات , فصلاة النبى عشر مرات كانت مهر حواء , وكانت زوجة آدم ربنا قال (اسْكُنْ أَنْتَ وَزَوْجُكَ الْجَنَّةَ) إحنا لاندور على الحكمة.س: (إِنَّهُ لَقُرْآنٌ كَرِيمٌ * فِي كِتَابٍ مَكْنُونٍ) ما معناه؟مولانا الشيخ: إنه فى أم الكتاب لأان الكتاب أصلاً أصل الوجود , أما الكتاب فكنهه فى ذاته , نقطه منه تساوى صفاته , الذات , تنزل أم الكتاب كتابين:1 - اللوح الأعلى أم الكتاب بالنسبة لله.2 - كتاب التسطير نزل أبونا آدم أم الكتاب بالنسبة للإنسانأى حاجه تطلع منها حاجه تبقى أم.س: أين دفنت ستنا حواء؟مولانا الشيخ: أمنا حواء مدفونة فى جده ومنها التسمية نفسها , قبرها عليه ثلاث قباب , قبة فى الرجلين وقبة فى السرة وقبة عند الرأس وبين كل منها مشوار.
