برهانيات كوم / الطريقة البرهانية
سيدنا نوح عليه السلام
سيدنا نوح اسمه الرسمى عبد الغفار ومن كثرة البكاء سموه نوح , أهو ده مرتبته , وهى مرتبة الخوف من الله , كانت مرتبته مرتبة الخوف من الله فلذلك كان مرتبة البكاء المعروفة , والدليل عل ىكده , أغرب الغرابات بيقول ويطالب أمته , قلت استغفروا الله ربكم , والاستغفار عادة يقصد توبوا , ما قال أرجوا بل قال توبوا , بيشوف من شدة خوفه من الله وجود العبد مع نفسه , مع حيثيته , مع أنانيته , أكبر من الاقتصار بالنظر على عبادة الأصنام (واضح)؟ وبعدين بيقول (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) ده الأجير بتاعه كده , افتتح بحاله الأجير علشان اللى خايف هو اللى بيقول سامحونى.فهمنا إن سيدنا نوح مرتبته كانت الخوف الصحيح من الله , ومن شدة خوفه عاش ألف سنة إلى خمسين ما عنده بيت , عايش فى الخلا , لما سئل قالوا له: أنت أطول الأنبياء عمراً , فى عمرك الطويل ده عملت إيه؟ شفت إيه من أحوال الدنيا؟ قال: كأننى دخلت فى بيت له بابان , دخلت من الباب ده وخرجت من الباب ده (واضح)؟ والإنعام من ربنا عليه كانت العظمة ـ أصل العظمة بتيجى من الخوف ـ كان تجلى العظمة , وبعدين ملا كان ده حاله , وبعدين لما تعب من قوله لقومه قال يارب الجماعة دول ما يستهلوش الرحمة أبداً (رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا) مش دياراً , أة واحد من دول له دار مافى , تبارك وتعالى أمره بعمل السفينة وبعدين عمل السفينة وقال له (احْمِلْ فِيهَا مِنْ كُلٍّ زَوْجَيْنِ اثْنَيْنِ) فحمل من كل زوجين اثنين فعلاً , الآية (احْمِلْ فِيهَا مِنْ كُلٍّ زَوْجَيْنِ اثْنَيْنِ وَأَهْلَكَ) كان ابنه مش عايز ييجى قال له (يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ) وزعق كده (يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ) الامة اللى آمنت مع بينزلوا المركب , وكان له زوجه إسمها أليسة , زوجة سيدنا نوح اسمها أليسة , ولغاية النهاردا المراكبية لما يركبوا يقولوا (هيـ ليـ ليـ سه) كده , المرأة ربنا حكم عليها إنها تغرق والولد كذلك , الولد ده أبى يروح للمركب , قال له (يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ (42) قَالَ سَآوِي إِلَى جَبَلٍ يَعْصِمُنِي مِنَ الْمَاءِ قَالَ لَا عَاصِمَ الْيَوْمَ مِنْ أَمْرِ اللَّهِ) ربنا قال لازم كل الأرض تغرق , على أصح الروايات 41 يوم تكون غرقانة , وما فضلش من كل ذى روح إلا اللى فى المركب (واضح)؟ وبعدين سارت , استوت على الجودى , والجودى جبل , لما استوت على الجودى نزلوا عملوا العاشورات , وبعدين سال ربنا قال (رَبِّ إِنَّ ابْنِيمِنْ أَهْلِي وَإِنَّ وَعْدَكَ الْحَقُّ) وانت قلت لى (احْمِلْ فِيهَا مِنْ كُلٍّ زَوْجَيْنِ اثْنَيْنِ وَأَهْلَكَ) والواد ده طبعاً من اهلى , تعرف ان الخطاب فى مرتبة العظمة كيف؟ كان الدليل ده (إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ) رواية (إنَّهُ عَمِلَ غَيْرَ صَالِحٍ) رواية (فَلَا تَسْأَلْنِ مَا لَيْسَ لَكَ بِهِ عِلْمٌ إِنِّي أَعِظُكَ أَنْ تَكُونَ مِنَ الْجَاهِلِينَ) ده خطاب عظمة ولا لأ؟ يه , وبعدين قال أعوذ بالله مش حا أسألك كذا وكذا (وانتهيت).فهمنا من المدلولين دول إن سيدنا نوح كان مرتبته هى مرتبة شدة الخوف , الغاية من الله , وبعد منه سيدنا إبراهيم , سيدنا نوح طلب إنه يعودوا له ابنه ان آخر طلبه (رَبِّ إِنَّ ابْنِي مِنْ أَهْلِي وَإِنَّ وَعْدَكَ الْحَقُّ) وربنا قال له مش ممكن ومش راح أديه لك.وفى حديث آخر قال رضى الله عنه:س: هل ابن سيدنا نوح الذى لم يركب معه السفينة كان ابنه أو من سفاح؟مولانا الشيخ: سيدنا نوح كان ابنه عمله غير صالح ولم يكن ابن سفاح لامتناع السفاح فى بيت النبوة , شرط الإلحاق بأبوه فأن يكون إيمانه زى إيمان أبوه وإن كان عمله قليل , قوله تعالى (وَالَّذِينَ آمَنُوا وَاتَّبَعَتْهُمْ ذُرِّيَّتُهُمْ بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُمْ مِنْ عَمَلِهِمْ مِنْ شَيْءٍ).
