كلمة مولانا الشيخ محمد رضي الله عن الخدمة
فى لقاء الاحبة بالخرطوم الأربعاء 27/5/2015م
مقتطفات من خطابات الاعوام السابقة بواسطة الاخ الشاذلي طارق من اخوان الابيض ـ السودان
منقول عن الاخ عبد الحفيظ :
بسم الله الرحمن الرحيم
كلمة مولانا الشيخ محمدرضي الله عنه لقاء الاحبة الأربعاء 27/5/2015م
إذا أنت ذى ما بقولوا أغلى شئ عندك قدمتو الباقى كلو هين، وهسه ذى ما ذكروا الاحباب الخدمة بتعتبر أنواع ، يعنى انت ممكن أى حاجة من الحاجات الدنيوية انت جدت فيها؛ ياهو ده بكون حظك وانت فى الخدمة والواحد قدر ما يحاول انو يكبر حظه فى الخدمة بكون كويس لكن الخدمة اللي هي بتاعة الكبار تمام، ونحن يعنى بنحاول الناس تمشى في طريقهم هى الخدمة فى الدين ، يعنى مثلاً لو عندنا موضوع بتاع إنتشاراو عندنا موضوع بتاع زوايا أو عندنا موضوع بتاع تواصل أو عندنا كده دى كلها الحاجات الأساسية والواحد بحاول انو يمشى فيها، ودى كل واحد مستطيع انو يعملها، والباقى داك يعنى سواء كان يدك أو مالك ده كلو ممكن كل زول يكون حظو مختلف عن أخوه، وزى ما قالوا ساداتنا الكبار، الخدمة الأساسية هى الخدمة إللى ربنا يوصل الناس كلها ليها , كفانا أننا خدم لحضرة من ذوى العظم , فالخدمة هى خدمة فى دين النبى صلى الله عليه وسلم المحبة فى النبى صلى الله عليه وسلم، وكل واحد يحاول يكبر ماعونو عشان يتلقى أكثر أن شاء الله.
الخدمه أنواع كتيرة.
لكن كلما يقولو الخدمة الناس يتبادر لذاتها المال. ربما لانو المال هو عصب الحياه.فأهم شي في الدنيا القروش وأهم شي في الآخرة الحسنات. بقروشك في الدنيا ممكن تعمل كل شئ بس في الآخرة؟ لا. والعكس والناس فاهمة الخدمة بالمال من كتير. والحديث يقول .. رب درهم سبق الف درهم.المقياس في المال مش انت أنفقت كم .. لا كم من كم واحد عندو مليون ودفع الحولية مليون . يبقي جاد بكل العندو وواحد عندو 15 مليار ودفع في الحوليه 10 مليون
ثانيا: الناس برضو فاهمة انو الأنفاق بالمال فقط لما أكون انا مقتدر. وده خطأ ... انا ما مقتدر لكن قادر اشتري قرعة أضعها في صحن المقام شويه بلح للإخوان في التدارس.
لكن مشكلتنا نحن ما عارفين قيمة الأشياء دي عند المشايخ قدر شنو والحديث .. لقمة تهوي في فم جايع. دة كلو ما في وما أظن .. ولو كلمات طيبات يبثها قصير يد تكفيه شر المكايد , بس كيف تعتبر الطريقة دي حقتك زي ما قال سيدي فخرالدين وتتعامل ع هذا الأساس. قالوا ومن لم يجد في حب نعيم بنفسه ... وأن جاد بالدنيا إليه انتهي البخل قلت خذ روحي فقال الروح لي ...
خلي دعوتها وهات الجسد الواحد لما دخل الطريقة فعلا جاد بنفسه لانو ساب كل شي وبقي كل شي يهون في سبيل الطريقة. صاح بعد كده تجي التبعات. في دفع ليه ما يدفع في شغل ليه ما يتفاني .. في .. في. ما انت دمك وروحك للطريقة. وده يرجعنا لكلام سيدي فخرالدين انو الواحد يعتبر الطريقة حقتو هو. الواحد في بيتو بعمل كيف؟ وكل مهيأ لما خلق له والطريقة مجالات الخدمه فيها كتير. فإذا اعتبرت الطريقه هي بيتكم ... أولادك حياتك .. بعد كدة فعلا كل شي بهون.الانشاد خدمة .. والبسط خدمه .. بس انا لا عندي صوت جميل الانشاد ولا نفس البسط .. العزاء مجالات الخدمة كتير أشوف غيرهم لا انا صوتي جميل واعرف اصفق ولكني كويس ايه المانع ابقي منشد وبسبط. واكبر ماعوني.
وفي الانتشار الشيخ اختار ليه لجنة لعمل الانتشار. وده لأهميته ومن جهز غازيا فقد غزا. نجي لي خدمة الطريقة حقت الكبار الي قال مولانا هي زي الانتشار ... خدمة الزوايا ... خدمة التواصل وقال دا الأساس اللي الواحد مفروض يمشي فيهو .... وما غريبة لانو حديث النبي صلي الله عليه وسلم لأن يهدي الله بك رجلا واحدا خير لك من حمر النعم. من ده انو تدي الناس الطريقة. إرشاد الناس ورد الشاردين الي الله أعظم خدمة وبكدة كلنا بنساهم في الخدمة الكبيرة دي ... خدمة الانتشار.
وفي اخوان لافين علي المناطق اختارهم مولانا للانتشار .... والانتشار ما قالو وقف عليهم وبس. نحن نساعدهم نؤازرهم نرحلهم .. نكون خدمنا ودخلنا في فضل من يجهز غازيا يغزو بسهم نال أجرا كالرماه الضاربين ... والحديث من جهز غازيا فقد غزا.
وفي كلو حسن الخلق مطلوب لانو لازم تكون طاهر في نفسك ومطهر لغيرك .... يا عيسي عظ نفسك فإن اتعظت فعظ الناس والا فاستح فإني حاضر. وبكدة يكونو المشايخ كتر خيرهم دخلونا في اكبر فضل وهو خدمة دين النبي وطريقة سيدي ابراهيم .. يهدي الي الله الهداه بعملنا لا بالعواء وقطعت أسباب.
وحاجة أخيرة .. سيدي ابراهيم قال ما كل من وقف عرف اداب الوقوف وما كل من خدم عرف آداب الخدمة ... ما تخدم وانت ذي المجبور عليها. بل أخدم ولسان حالك يقول ارحنا بها يا بلال.
النبي صلي الله عليه وسلم قال واشواقي لإخواني .... والصوفيه قالوا نحن اخوان النبي المصطفي ود لو كان رآنا وكفي , ويكفي أن سيدي فخرالدين رضي الله عنه قال .. وقد حبينا أخوتنا بخدمتنا
الخدمه حسب كلام مولانا موضوعها كبير. والواحد زي ما قال مولانا ما يتشبح زي الأخطبوط. يشوف هو مهيأ لي شنو يتفاني. والخدمة مربوطة ربط تام بالاوراد .... ومولانا شيخ ابراهيم قال اللي يخدم يكون عليهو جمال. واللي يخدم ويقرأ اوراد يكون جمال علي جمال. واللي يخدم ويقرأ اوراد ويقول حاضر.. اكبر ولي علي وجه الأرض ما بلحقو
حديث فضيلة مولانا الشيخ محمد رضي الله عنه (جمع الأحبة 10-06-2015)
