برهانيات كوم
سؤال : هل مرتبة الأفراد الكبار دول شرط يكونوا ملثمين ؟الجواب : مش شرط ـ المشهور باللثام السيد البدوي بس ـ قبل سيدنا موسى كان أيضاً كده بعد ما شاف التجلي ( كان اللي ينظر إليه يعمى ) ولما يشيل جلابيته يمسح بها عينه ثاني يفتح .سؤال : سيدي أحمد الرفاعي وسيدي عبد القادر وسيدي إبراهيم ما كان عندهم لثام ؟الجواب : هل بحالتنا دي كان ممكن أننا من أهل التنوير لكن الحجاب هو السبب . الاجتهاد له حق ( والذين جاهدوا فينا لنهدينهم سبلنا ) الآية .سؤال : هل رؤية النبي صلى الله عليه وسلم في اليقظة مرتبة كبيرة خالص خالص ؟الجواب : لا ـ مش خالص ـ لكنها كويسة ـ وأي واحد مكشوف عليه يكون كده .سؤال : ساعات موضوع الاجتهاد ده يكون سبب في خواطر بتسبب الغرور فيزهد الشخص في العبادة والاجتهاد ؟الجواب : لا ـ تزهد فيما غير العبادة . وكيف تغتر وهي العبادة وأثرها أصلاً ينظف مش يوسخ يعني غرور . وأنت لو عرفت أنك راح تموت وراح يحاسبوك ما حتعمل إلا اللي سينفع قدام ـ واحنا دلوقت عاوزين اللي راح ينفع قدام ـ أصلاً الدنيا ساعتين يا ساعة فاتت يا ساعة جاية أو الساعة اللي أنت فيها الجاية مش حتعرف ستجئ كيف واللي فاتت مش ممكن تعود يبقى تجتهد في الدقيقة اللي أنت عايشها الآن ( يا مريد الذات . عمر الأوقات . واترك الراحات . واطلب اللمعات ) .سؤال : ما هي الأشياء اللي تعطل الأوراد ؟الجواب : الونسة فقط ـ والأكل والشرب والشغل كل ده ما يضيع وقت الأوراد .سؤال : طيب يا عم الشيخ لو واحد من الإخوان جاي بحاجة خاصة للطريقة أو بمشكلة أو موضوع وقاعد معايا . يكون ده إيه ؟الجواب : لا ـ بتاع الطريقة ده عبادة .
