برهانيات كوم
سؤال : لو مجموعة من الإخوان مثلاً قاعدين في الزاوية شغال في الموضوع من الأنس والانشراح لكن يلقى مسافة كبيرة ضاعت من الزمن ؟الجواب : دي أيضاً عبادة ـ مقابلة الإخوان هي مقابلة في الله وعلشان كده ينزل المدد و السكينة .سؤال : طيب ونسة الأولاد والزوجة ؟الجواب : لا ـ ده ما فيه فائدة .( فائدة ) يقرأ سورة الزلزلة 7 أو 70 وفي كل مرة ( أشتاتاً ) 7 مرات علشان عمار البيت ( الجن الساكنين ) إذا ضربوا الواحد في البيت أو عملوا لخبطة أو وقعوا حاجة يقرأ كده على الساكت أو سوا على ميه .سؤال : لو واحد ظهر عليه عارض بعد ما قرأ الأوراد ما الحل ؟الجواب : يبطل أوراده كلها ويقرأ آية الكرسي على قدر ما يقدر ـ وممكن علاجه بالبخرات وفي الحالة الأخيرة دي لابد تأخذ منه قروش علشان تنفع البخرات .سؤال : هل هناك عدد معين من القراءة للقسم علشان العلاج ؟الجواب : لا ـ ده يرجع على حسب قوة الإنسان في القراءة مش بالعدد ( يعني واحد يكون مواظب عليه 70 مرة ) سنتين أو ثلاثة .سؤال : ما هو مقدار المصيبة أو الذنب عند المشايخ ؟الجواب : المشايخ بيشوفوا المصيبة مش هي المصيبة سواء كانت صغيرة أو كبيرة ـ لكن بيشوفوا حتى لو كانت صغيرة ، لكنه بيعصى مين ؟ صاحب الأمر مين ؟ وهو خالف مين ؟
