علموا عنى : من هم السبع المثاني ؟

برهانيات كوم 

شريط رقم (4)(الوجه الأول)مولانا الشيخ: أصل النقاش فى إيه؟السائل: الطريقة البرهانية؟مولانا الشيخ: لا لا لا النقاش فى قوله تبارك وتعالى إنا (آتَيْنَاكَ سَبْعًا مِنَ الْمَثَانِي وَالْقُرْآنَ الْعَظِيمَ) 87 الحجر، إنا (آتَيْنَاكَ سَبْعًا مِنَ الْمَثَانِي وَالْقُرْآنَ الْعَظِيمَ) خلاص يا عم الشيخ؟ السبع المثانى ده، أول من تكلم فيه السيد أحمد الرفاعى وبعدين تكلم فيه السيد عبدالقادر الجيلانى، بعدين كلهم بالشكل ده، لّمن تعمل السبع المثانى بمعنى زى ما ورد فى الحديث إنه سورة الفاتحة، نعم هى سورة الفاتحة لكن مش من حيث الآيات عشان الآيات ستة، أُمال من إيه؟ من قوله صلى الله عليه وسلم فى الحديث القدسى (قُسِّمَتْ الصلاة بينى وبين عبدى) الصلاة مقسومة على إتنين ده الظاهر فى الحديث معروفة النُص الأول (الْحَمْدُ لِلَّهِ رَبِّ الْعَالَمِينَ ? الرَّحْمَانِ الرَّحِيمِ ? مَالِكِ يَوْمِ الدِّينِ ? إِيَّاكَ نَعْبُدُ وَإِيَّاكَ نَسْتَعِينُ) لحد كده إلهية لغاية (مَالِكِ يَوْمِ الدِّينِ)، (إِيَّاكَ نَعْبُدُ وَإِيَّاكَ نَسْتَعِينُ) برزخية (اهْدِنَا الصِّرَاطَ الْمُسْتَقِيمَ) عبدية، ففى النُص العبدية ده فيه الرئاسات السبعة المعبر بالسبع المثانى، المعبر عنهم بالسبع المثانى، السبع المثانى ديل، ربنا جل وعلا خلقهم من نور النبى عليه الصلاة والسلام فى الأوائل، ظاهر؟ أولهم أربع ملائكة العرش، بعدين أربع ملائكة الفلك جبريل وميكائيل وكذا، بعدين رؤساء الرسل سيدنا نوح، سيدنا ابراهيم، سيدنا موسى، سيدنا عيسى، بعدين الأربع الخلفاء، بعدين الأربع حملة الكتاب سيدنا عبدالله بن عمر وعبدالله بن الزبير، الأربعة بعدين الأربعة الأئمة الإمام أبو حنيفة، الإمام مالك، الإمام أحمد، الإمام الشافعى، بعدين الأربعة الأقطاب السيد أحمد الرفاعى، السيد عبدالقادر الجيلانى، السيد البدوى، السيد ابراهيم الدسوقى، فى الحالة دى بقوا سبعة، بقوا إيه؟السائل (معلقاً): سبعة.مولانا الشيخ: سبعة، بعدين السبعة ديل يثلثوهم سيدنا الحسن وسيدنا الحسين والمهدى المنتظر، يسبعوا الأربعة الأولانيات، يسبعوا الأربعة التانيين، يسبعوا الأربعة التالتين يسبعوا، يسبعوا، يسبعوا، يسبعوا، لغاية ما يسبعوهم كلهم، السبعة أصناف، بقوا سبعة، ده المعبر عنه إيه؟ بالسبع المثانى، خلاص؟السائل (معلقاً): نعم.