برهانيات كوم / الطريقة البرهانية
6. 4 الصلاة علي النبي - صلى الله عليه وسلم - ومعني {حافظوا علي الصلوات}
السائل: يا عم الشيخ الحديث لما يكون وارد عم الرسول - صلى الله عليه وسلم -، الحديث لما يكون وارد عن الرسول - صلى الله عليه وسلم -، ومتفق عليه أن الحديث ده صحيح، التسليم بيه، الإقناع بالتسليم بيه يا عم الشيخ فرض علي الإنسان، في أحاديث يا عم الشيخ يعني الواحد بيشوف إنها كبيرة، كبيرة يعني مثلا جبنا الحديث بتاع {من صلي علي مرة صلي الله عليه بها عشرة ومن صلي علي ألف حرم الله جسده علي النار} (1) معناتها الحديث ده، يعني إذا الإنسان اقتنع علي إنه الرسول - صلى الله عليه وسلم - ما ينطق عن الهوي، كلامه جد.مولانا الشيخ: لا ينطق عن الهوى كيف؟ لا ينطق عن الهوى يعني إيه؟السائل (معلقا): لا ينطق يعني أي حديث من رسول الله هو حديث من ربنا.مولانا الشيخ: أيوه.السائل: الحديث من ديل ما دام مكتوب يبقي جد يعني، يكون ما في اختلاف إنه من الرسول - صلى الله عليه وسلم -، معناه أي إنسان صلي علي النبي ألف، ما بيخش النار.مولانا الشيخ: كل يوم لكن.السائل: معناتها يا عم الشيخ، الحتة دي غريقة، لكن نحن دايرين. . . ..مولانا الشيخ: مش في العمر مرة؟ لما نقول {حافضوا علي الصلوات والصلاة الوسطي} (2) الصلاة الوسطي مبهم الحيلة إنك إيه؟ تحافظ عليهم كلهم، تكون الوسطي داخله معاهم، النبي قال كده، كونه في العمر مرة ده جبته منين؟السائل (معلقا): والله غايتو الواحد، الواحد بقي يركز ما جاء في الأحاديث بس علي حسب نطقه فقط.مولانا الشيخ: خد الحديث علي حسب نطقه الصحيح، تعمل إيه؟ تصلي علي النبي في العمر مرة؟السائل (معلقا): ألف.مولانا الشيخ: ألف، دليلك إنه في العمر مرة شنوه؟السائل (معلقا): ما دام قال.__________(1) في معني الحديث (مسند الإمام أحمد)(2) البقرة 238مولانا الشيخ: الحديث ما واضح، كونه فيا لعمر مرة ده جبته من وين؟ ليه ما يكون كل صلاة مرة؟ ما دمت إنسان خايف، وعاوز تنجي رقبتك عشان إيه تخته في العمر مرة؟ وهل اللي طلي علي النبي ألف، وارتد بينفعه الحديث ده؟السائل (معلقا): ما هو ذاتها الحتة اللي داير أوصل ليها، آى أنا كنت داير أقول إنه اللي بيصلي علي النبي عليه الصلاة والسلام، بيصلي علي النبي ألف بقت له ضمان إنه لا يرتد، ولا يدخل النار، لأنه معناتها تكون هي الضمان، لأنه نص الحديث أنه: من صلي علي حرم الله جسده علي النار معناتها ده خالص من النار.مولانا الشيخ: أيوه كويس، كونك قيدته في العمر مرة ده وين؟السائل (معلقا): ما عشان ما قال آلاف قال 1000 وحده.مولانا الشيخ: ما قال 1000أيوه، كونه في العمر مرة ده، بقول ليك جبته من وين؟السائل (معلقا): ما الحديث ما قال في كل يوم.مولانا الشيخ: ولا قال في العمر مرة، وأنمت خايف تعمل إيه؟ تعمل كل صلاة ألف.السائل: في اليوم بيكفي يا عم الشيخ، في اليوم بيكفي، في اليوم كله بيكفي؟مولانا الشيخ: أنا بقول يعني، الأولي إنه يكون في، في اليوم مرتين كمان، ياللا يا عثمان.
