برهانيات كوم / الطريقة البرهانية
7. 1 معني {الأرض ننقصها من أطرافها} (4)
السائل: طيب يا عم الشيخ {الأرض ننقصها من أطرافها} مقصود بيها المخلوقات ولا الوطا ذاته؟مولانا الشيخ: الوطا ذاتها والمخلوقات والحيوانات والأشجار، كل ما في كل شيء، تمشي كده عديل، أقولكم حكاية مثل، بتاع سفهاء لكنه شبه المعقول، عثمان مثل بتاع سفهاء لكنه يشبه المعقول، السفيه بيقول ربنا لما خلق الخلق، حلق البني آدم والحمار والقرد، قال لأي واحد من ديل، القرد والحمار والكلب، القرد والحمار والكلب والبني آدم، الأربعة ديل قال خلقهم السفيه يقول كده، بعدين قال ليهم بالأول قال للحمار, الحمار قال يا رب أنت خلقتني عشان إيه؟ قال له البني آدم ده يركبك، يمشي بيك مشاوير، يشيل فوقك عفشه وتاكل القش، هو ياكل الثمر، كام سنة أكون كدة يا رب؟ قال له 30 سنة، قال له كله ده أنا ما دايره خليت 15، البني آدم قال ضيفهم عليا، ضافوهم عليه، بعدين قال للكلب أنت 30 سنة زيك زى الباقيين، قال أعيش كيف، قال له تباري القدح بتاع الإنسان ده، يرمي لك في الوطا تاكل يسقيك وقت ما يرتع رزقه وبهايمه وقشه وفلان وفلتكان، 30 سنة كده؟ أيوه 30 سنة كده، لا أنا استغنيت من 15، البني آدم قال ضيفهم عليا، ضافهم عليه.السائل (معلقا): القرد يا عم الشيخ.مولانا الشيخ: بعدين القرد 30 سنة أعمل بيهم إيه؟ البني آدم يربطك يرقص بيك يعمل بيك كده كده كده كده تعمل وأعيش كيف؟ اللي هو يديك تعيش بيه، 30 سنة ما داير 15، ده قال إديهوني، إدوها ليه، آخر واحد القرد، مش كده؟ لمان كان عمره 30 سنة ده عمر جده.السائل (معلقا): ده عمره الأصلي.مولانا الشيخ: ده عمره الأصلي، لا مرضان بأي عضو من أعضاءه ما مرضان، جتته صاغ سليم، السنون في محله، العينين كويسين 6*6، الإيدين، الرجلين، الصحة، القوة، الأكل، الشرب مظبزط خالص، خلص الـ 30 بتاعه، جه عمر الحمار أيا ما يشوف مرة هوووو جاري وراها، جاري وراها، مشي إزوج، إزوج، ولد أولاد وبنات وكده، مش كده؟ جه عمر الكلب، الولد ما بعت لي المصروف البنت ما عاشت في السودان وك وك وك مع ده يكورك، أنا ما بأهزر خلي بالك، يكورك كم؟ 15 سنة بتاع الكلب، واضح؟ بعدين بقي كبير خالص دي الـ 15 بتاع القرد، بص هنا بص هنا، يا وسخ ده هزار، ما. . . . ولا قول لي ده خطأ، محمد ما ترقص له، زمن القرد كده، ما يقدر يعمل حاجه.السائل (معلقا): صحي مثل مظبوط تمام تمام، مثل مظبوط.مولانا الشيخ: مثل بتاع هزار لكنه جد، يشبه الجد تمام تمام، "أستغفر الله وأتوب إليه، أستغفر الله وأتوب إليه" لكن يشبه الجد، الجد خالص، وواقع البني آدم كده، عثمان كونه يمشي حافي أو ينشد ده العيب بتاعنا عند الناس.السائل: كيف يا عم الشيخ، كيف يا عم الشيخ؟مولانا الشيخ: كونه يمشي حافي أو ينشد ده العيب؟
