برهانيات كوم
السائل: الحديث ياعم الشيخ (خذ من القرآن ما شئت)؟مولانا الشيخ: أيوه.السائل: طبعا الأوراد فيها كل ما يطلبه المريد أى حاجة عاوزها بيلقاه فيها؟مولانا الشيخ: فى الأوراد.السائل: الواحد لو عاوز يجرب بس براه ساكت باجتهاده ويشوف الآ ية المناسبة للحاجة اللى عاوزها ويقراها؟مولانا الشيخ: مايقدر عشان مابيعرف عدده ولا كيفياته.السائل: هل فيه كتاب مخصوص فى كده؟مولانا الشيخ: كتب علم، علم قائم بنفسه، يوريك عدد الإسم، يوريك سقطه، يوريك تكييفه، يوريك زجوراته، يوريك أشياء كتيرةجدا، أشد كتاب شمس المعارف، لكن أبدا ماممكن الواحد يتوفق قول لى ليه؟ هو 4 أجزاء، فيه جزء يكلمك عن الإسم كلام، فى الجزء التانى يتكلم كلام تكملة لداك، فى التالت يتكلم كلام تالت، فى الرابع كلام رابع، تلم الأ ربعة حتى تعرف الاسم، اسمه شمس المعارف وفعلا شمس المعارف، المطابع كمان غيروا فيه كتير لكن فيه خط، الخط قد ........... 3، 4 مرات.السائل: يعنى لو حصلت حاجة والواحد اجتهد براه وشاف آية وقراها وحصلت بيكون توفيق ساكت؟مولانا الشيخ: آى أيو مناسبة للغرض.السائل (معلقاً): قريب ده كان عندنا واحد ولده غرق فأنا قريت الآية و (نبذناه بالعراء وهو سقيم) 20 طلع فعلا، طلع فعلا الجثة طلعت.مولانا الشيخ: ما شاء الله، القرآن كله فيه فراسة، كل جملة، كل آية، كل كلمة، والحديث (خذ من القرآن ما شئت لما شئت) و (من لاشفاه القرآن لا شفاه الله) 22واحد وهابى يقول فى قرايته الشفا، فى قرايته الشفا، قلت ليه وفى ... ...... كمان قال لى كيف؟ قلت ليه (يخرج من بطونها شراب مختلف ألوانه فيه شفاء للناس) 23 ده شنوه؟ ده قرايه ولا كتابة وعلوم، سَكت، أول من اخترع الموضوع ده سيدنا سلمان الفارسى، جمع آيات فضل يتحصن بيههُ، الصحابة قالوا للنبى سلمان يخلط ما بين القرآن يا رسول الله، قال جيبوه جابوه سأله، قال له: ما الذى فعلت؟ قال له: هل أدخلت فيه غيره يارسول الله؟ سمعتك تقول (خذ من القرآن ما شئت لما شئت) وسمعتك تقول (من لا شفاه القرآن لا شفاه الله) جمعت آيات الخوف وآيات الشفا بقراهم، قال له انت الطيب المطيب.
