برهانيات كوم / الطريقة البرهانية
السائل: طيب بالنسبة للترقى ياعم الشيخ، للترقى بيكون المفروض القلب ده ما يشتغل أى حاجة غير الذكر؟مولانا الشيخ: أيوة، ما تشتغل بيهُ أى شىء غير الذكر، أيوه.السائل: طيب ياعم الشيخ لما نمشى لذكر القلب ممكن الأوراد ... .... ؟مولانا الشيخ: فى موطن القلب يعمل الأوراد.السائل: ........ ؟مولانا الشيخ: العبادة مابيكون محتكر أصله، قوة ربنا فوق كل شىء، العبادة ما بيكون محتكر، لكن فيه مصيبة من لا ورا، أقوله؟ ماداير أقوله، كنا فى الزاوية القديم، أنا بأصاحب فى السمانية الكبار كتير، مرة اتلمينا أربعة خمسة، قالوا: يا شيخ محمد انت يعنى عندك أسرار طرق كثيرة خلاص، ماتدى كل واحد مننا حاجة نستعين بيهُ على مصايب بتاع الدنيا، قلت ليهم: والله ده فكرة، فكرة كويسة، اتفقت، أنا عندى عشرة جنيه وده عنده تلاتة وده عنده اتنين وده عنده كده، لميناهم، رحنا أم درمان، اشترينا الزعفران الجنوى، اللبان الدكر وغيره وغيره وغيره وجهزنا الأشياء، جبنا الورق أبو شباك القديم داك، صبغناه، أصوليا بيتعمل من الدهب، الخاتم بيتعمل فى الدهب، اللى مابيقدر يصبغه بالزعفران الجنوى، جهزناه، قالوا لى: انت يامحمد، شيخ محمد فايت عليك حاجة، لت ليهم شنوه؟ أنا راح أعمل الاسم الفلانى، انت فلانى، انت فلانى، انت فلانى، أيوه، استخيروا انتو محتكرات، استخرت لقيت واحد محتكر ده وواحد محتكر ده وواحد محتكر ده وواحد محتكر ده وواحد محتكر ده، الخمسة، فى الحالة دى إيه؟ ما يستجيبوا العوالم إلا إذا انت كترت أكتر من داك المحتكر، ده .... ؟ لغاية دلوقت الأشياء موجودة وقاعدة، وخليناه وبعضهم ماتوا وبعضهم حيين، بس ده وجهة الاحتكار فى الأسماء، وإلا تكون علوق الشدة، وإنتوا بتنفقوا على حاجة واحد، العبادات النفلية اللى يقرب الواحد إلأى الله عاوز الكثرة، أى صنف من الأصناف، قلت ليكم: أزيار عملتهم فى الشارع عشان الفايتين والجايين يشربوا، الليلة تملاهم، بكرة تملاهم، نستمر كده.
