برهانيات كوم / الطريقة البرهانية
السائل: ..... ؟
مولانا الشيخ: بيختلفوا فيه التفاسير (هل أتى على الإنسان حين من الدهر لم يكن شيئا مذكورا) كتير يقولوا ده أبونا آدم، الصوفية قالوا لهم: يا اخونا أبونا آدم ما مخلوق (من نطفة أمشاج) ده النبى عليه الصلاة والسلام ما آدم (فجعلناه سميعا بصرا) حد سميع بصير غير النبى مافى، عشان بصرك وبصرى وسمعك وسمعى مش عل كيفنا، هو بتاعه على كيفه، مش سميعا بصيرا فعلاً؟ (إنا هديناه السبيل إما شاكرا وإما كفور) ده بجاى وده بجاى.السائل: بعدين فيه أسماء وارده للرسول صلى الله عله وسلم، مثلا طه، إذا كان ياعم الشيخ دى ليها.مولانا الشيخ: معنى؟السائل: ليها معنى؟مولانا الشيخ: جداً، معانى دقيقة: (طه) يعنى ياطلسم السر المتدلى (ما أنزلنا عليك القرآن لتشقى)..... راجع للنبى، (يس) سر الله السارى فى ذرات الوجود كلها (يس) يعنى سر الله السارى فى ذرات الوجود كله (يس والقرآن الحكيم إنك) خطاب لياسين، مش كده يا عثمان؟ طيب ما تقولوا ولاّ نقوم نمشى ننوم؟ محمد نمشى ننوم؟
السائل (معلقاً): ده نفس إختلاف المسيحية والمسلمين بيقولوا إنه كان مفروض سيدنا عيسى كان بيقول ليهم النبى اللى بعده كان إسمه محمد مايكون أحمد، النبى اللى بعد سيدنا عيسى، المفروض كان سيدنا عيسى يقول ليهم الجاى محمد ما أحمد، هم إختلفوا انه أحمد مكتوب، وجاء محمد، ده إختلافهم بس.مولانا الشيخ: لأ، أحمد ومحمد مالغة عربية، أحمد ومحمد مالغة عربية، هم كلامهم بالرطانة سيدنا عيسى قال: إن لم أذهب لاآتيكم بالبارقليط، ومعنى البارقليط يعنى أحمد هم غايته بلاوى، اللهم اقبلنا، ياتقولوا يانقوم ننوم، عثمان ... .. مش تقولوا حاجة ولاّنمشى ننوم، عثمان ... . مش تقولوا حاجة ولا نمش ننوم؟ شوية كده؟ شنوه؟السائل: ..... ؟مولانا الشيخ: أيوه، اللى فى المصحف، بس اللى فى المصحف.السائل: ده المعنى بتاعه؟مولانا الشيخ: أيوة، ما كلامهم، كان بالسريانية، كلامهم سريانية.السائل: ماموجود؟مولانا الشيخ: لأالسائل: مامُدوّن.مولانا الشيخ: ماممكن غيروه وبدلوه,
