برهانيات كوم / الطريقة البرهانية
مولانا الشيخ: ولاممكن، مش كده؟ الإمام مالك بيدخل باتنين فى الصحابة، واحد وصحابى، الإمام أبو حنيفة واحد وصحابى، الإمام الشافعى، الإمام مالك والصحابى، قريبين العهد بالإسلام مابيدخل فيهم الزمن، الطويلين النسب فلان عن فلان، فلان عن فلان عن فلان عن فلان، ده اللى ممكن يدخل فيه الخلل، وإن كان اسمهم الصحاح الستة، وإن كان اسمهم الصحاح الستة، نقول صحاح ليه؟ أهليهم تدققوا خالص خالص خالص، من ضمن دقائق الإمام البخارى، كان سافر، سافر شهر قال الحديث الفلانى عند فلان من الناس، سافر، السفر كان فى الوقت ده يابالرجلين يا بالركايب، مشى فى البلد بتاع الزول، فتش على بيته لقاه، فتش عليهُ لقاه بيعمل كده، كان عنده جحش عامل ليهُ حجره كده ويقول ليهُ طرش طرش طرش طرش، فى فكر الجحش إنه هنا فيه علوق ، لما الجحش قرب فك القميص ومسك الجحش، البخارى أخد إنه ده غش الحمار، كيف مايغشنى ترك الحديث، ده دِقّه خالص ولاّلأ؟ مع كده فيه الخلل، كل ماكان نسب الحديث قريب من الصحابة ومن النبى، ده مابيدخل فيهُ خلل، ولاسيما مذهب أهل البيت، لكن الشيعة خربوا مذهب أهل البيت خالص، الصحاح بتاعه يتلقى فى اليمن بس، الصحاح بتاع مذهب أهل البيت بيتلقى فى اليمن، الشيعة خربوه.السائل: هم ديل الزيدية مش كده، الزيدية؟مولانا الشيخ: الزيدية آى، ماهم 12 إمام ياعم الشيخ، آخر واحد سيدنا زيد بن سيدنا حسن العسكرى بن سيدنا حسن الأنور، لكن هم 12 إمام، والحقيقة مش 12 إمام كلهم أئمة.السائل: ياعم الشيخ ... ... حكاية الكتاب اللى فيه الدرس ... ... التسعة ..... ؟مولانا الشيخ: طبعوا جزء واحد أخدناهُ، الباقى لسه، احنا وراه برضه.
