برهانيات كوم / الطريقة البرهانية
سيدنا لوط عليه السلام وسيدنا لقمان عليه السلام
س: هل سيدنا لقمان كان نبى؟ وفى أى زمن؟
مولانا الشيخ: سيدنا لوط وسيدنا لقمان تلامذة سيدنا إبراهيم , ده من النوبة وده ابن عمه , سيدنا لوط ابن عم سيدنا إبراهيم , وسيدنا لقمان من النوبة , سيدنا إبراهيم توفى فى الشام , سيدنا لوط توفى فى المدينة , سيدنا لقمان من البرابرة , سيدنا لقمان زهق قال حفتش على إخوة لوط , سافر.وصى ولده قال له: يا بنى إن استطعت كن ملكا وإن لم تستطع فكن ناسكاً وإن لم تستطع فكن لمالك مطيع ـ وإحنا كدهـ لا سلامة من اللسان , ابنه اعترض.بعدين سافر وجد سيدنا لوط سافر الحجاز من جهة الشام , اشتروا حمار وركب فيه سيدنا لقمان ومشى الولد , الناس قالوا شوفوا الراجل ولده يركب ويسيبه ,بعدين ركب الولد .. قالوا.بعدين ربكوا الاتنين ... قالوا.نزلوا الاتنين ... قالوا.شالوا الحمار على أكتافهم ... الناس قالوا.قال لإبنه: شفت يا بنى أنا قلت لك لا سلامة من اللسان.قال لإبنه: ياولدى الخير فى الواقع , الولد قال له إيه ده.قربوا من قرية سيدنا لوط شافوا نار فى بلد سيدنا لوط , الولد لدغه عقرب والدنيا ليل , بقى يبكى ويقول الخير فى الواقع , وهم بره البلد , الصبح لقوا ناس بيجروا حوالين البلد سألوا واحد دى مش قرية سيدنا لوط؟قال: نعم.قال لهم: إنتم أغراب وجايين لسيدنا لوط؟قالوا له: أيوه.قال لهم: يا سلام , الحمد لله إلللى ما دخلتم المدينة.قالوا له: ليه؟قال لهم: جه سيدنا جبريل فى الليل لسيدنا لوط وقال لسيدنا لوط بعد 12 ساعه كل واحد يجرى بأقرب طريقه من البلد علشان سيدنا جبريل يرفع القرية لفوق حتى إن الملائكة تسمع صياح الديوك ويقلبها لتحت ويصب عليها البلاء طول عمرها.سيدنا لقمان قال لإبنه: أنا مش قلت لك الخير فى الواقع.ولوط يعنى المتكل ظهره على الله , معناه كويس , زى لفظ النصارى مش اسم وحش , سيدنا عيسى قال (قَالَ مَنْ أَنْصَارِي إِلَى اللَّهِ قَالَ الْحَوَارِيُّونَ نَحْنُ أَنْصَارُ اللَّهِ) اليهود كذلك (إِنَّا هُدْنَا إِلَيْكَ) يعنى أسرعنا المجئ إليك.قال صلى الله عليه وسلم لما جت سيرة سيدنا لوط (لَوْ أَنَّ لِي بِكُمْ قُوَّةً أَوْ آوِي إِلَى رُكْنٍ شَدِيدٍ) قال صلى الله عليه وسلم " رحم الله أخى لوط لقد كان يأوى إلى ركن شديد " أصل معنى لوط عندنا السفيه , وفى الإسرائيليين يعنى اللى متكئ ظهره على الله , يعنى اللى متكل على الله " رحم الله أخى لوط لقد كان يأوى إلى ركن شديد" يعنى مش عايز يبطل الإتكال على الله ويشتغل بدول.
