برهانيات كوم / الطريقة البرهانية
سيدنا إسحق عليه السلام وسيدنا العيص عليه السلام
وسيدنا يعقوب عليه السلامسيدنا إسحق مراته حملت توأم , سيدنا إسحق شاف العيص بيقول لأخيه يعقوب , والله لو طلعت قبل منى لأقتلك هنا وأطلع , سيدنا إسحق ضرب يعقوب وهو فى بطن أمه , وقال له: ياولدى إصبر لغاية ما أخوك يطلع أحسن يعور أمك , وبعدين العيص طلع فى الأول. يعقوب علشان (عقب) العيص سماه يعقوب.سيدنا إسحق بيحب سيدنا العيص , قال له يا ولدى روح إعمل قربان وتعالى علشان أدعى لك.وسيدنا يعقوب أمه بتحبه , وسيدنا العيص مشعر يعنى شعره كتير جداً , وسيدنا إحق طبعاً ضعي البصر.وبعدين سيدنا يعقوب أمه قالت له: إمشى إدبح لك غنماية كبيرة قربان , وقسمها على الناس , وإلبس الجلد بتاعها وتعالى.سيدنا يعقوب راح عمل القربان بتاعه وخلص وجه قال لأبوه يا أبى أنا خلاص جيت إدعى لى أبوه لمسه كده لقى جسمه مليان شعر زى العيص.قققال له: اللهم اجعل فى بيتك النبوة , اللهم اجعل فى بيتك العلم , اللهم اجعل فى بيتك الولاية , فاز بالدعوة سيدنا يعقوب.جه العيص بعد ما عمل القربان , قال له: ياولدى إنت مين؟قال له: أنا العيص.قال له: إنت مش من شويه جيت؟قال له: ده أخويا , أنا ماجيت , أنا لازم أقتله , أنا لازم أعمل له.قال له: تعالى أدعى لك إنت كمان , اللهم إجعل فى بيتك العلم , اللهم إجعل فى بيتك الصناعات , اللهم إجعل فى بيتك الملك.أولاد العيص هم الألمان , ومن الألمان تفرنج الإفرنج كلهم , الإنجليز , الفرنساويين , واليونانيين.سيدنا يعقوب ولد 12 ولد المعروفين , أم الأولاد الأولانيين اتوفت , سيدنا يعقوب تزوج إمرأة تانية ولدت له بنيامين وسيدنا يوسف.أبو سيدنا يوسف سيدنا يعقوب هو اللى جه مصر وبعد مه كل القبيلة جت واستوطنت فى مصر , لكن إخواته لما جم فى موضوع العيش والحاجه اللى زى كده ده كان فى زمن سيدنا يوسف.
