برهانيات كوم / الطريقة البرهانية
قصة هاروت وماروت
س: هل هاروت وماروت كانوا قبل سيدنا آدم؟مولانا الشيخ: الملايكة شافوا إن البشر بيعصوا كتير وشاوفوا أنفسهم عباد وخايفيين , قالوا يارب كيف يعصوك البشر؟ قال لهم لو ركبت فيكم ما ركبته فيهم كنتم أصعب منهم , قالوا مش ممكن , قال نقى ـ اختاروا ـ منكم 400 بعدين قال نقى من الـ400 أربعين , ونقوا من الأربعين أربعة , نركب فيكم ماركبته فى الأنس , فركب فيهم النفس والهوى والشيطان , وقال لهم انزلوا , اثنين أبوا واثنين نزلوا ببابل , من الصباح يعملوا قضايا الناس والعصر يطلعوا للسماء , فيه بنت جميلة عنده قضية , جت لهم , راودوها عن نفسها , بعدين شحتوها قالت لهم علمونى الاسم اللى بتصعدوا بيه , علموه لها , بعدين راودوها عن نفسها , قالت لهم اشربوا الخمر , شربوا الخمر , بعدين زنوا , هى طارت بالاسم اللى تعلمته فكانت اسمها الزهرة , خاطبهم ربنا قال لهم اختاروا عذاب الدنيا أو الآخرة , فاختاروا عذاب الدنيا , معلقين فى بابل رجليهم لفوق ورؤوسهم لتحت , وكل دخان فى الدنيا يدخل من تحت مناخيرهم يخرج من دبرهم إلى يوم القيامة.
