برهانيات كوم / الطريقة البرهانية
كل ما سوى الله يشغل عن الله (أَنَّمَا أَمْوَالُكُمْ وَأَوْلَادُكُمْ فِتْنَةٌ) من توكل على الله كفاه , فهو حسبه , أعلى من كده التسليم , هو إيه؟ مرتبة سيدنا إبراهيم (إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ) يعنى خد وانت تستلم , ده مراتب الدين الأربعة على الإطلاق , والخامس بتاع النبى صلى الله عليه وسلم بس فى الوكالة (لَا إِلَهَ إِلَّا هُوَ فَاتَّخِذْهُ وَكِيلًا) ومشكلة الزمن , الناس متلخبطة فى قصة مسير ومخير , والمسير والمخير ده , أصالة الفلسفة كانت زى الأولياء عندنا , يعنى الفيلسوف زمان زى العارف بالله النهارده , أى حاجه زى الفلك , الطب , الكيمياء , واليازرجة.وفى زمن سيدنا داوود , ربنا أمر سيدنا داوود بالجهاد , والناس اللى قبله كانوا على علم بالأرواح والفلك , كانو يحسبوا محمد بن فاطمة يعرفوا عمره وطالعه وطبعه وكوكبه يحسوبوا إسمه واسم أمه , والشارق والغارب من الفلك يضيفوه عليه , يشوفوا المتوسط يضيفوه عليه , يقسموه على 28 يطلع الحرف ,يقسموه على 7 يطلع اليوم , على 12 يطلع البرج , على 24 يطلع الساعة , يعرفوا فلان يمرض بالمرض الفلانى لا يموت إلا عمره كذا كذا وإن لم يمرض يموت فى السن كذا , علم الفلك قاعدة حسابية مش مناعة للقدرة أو ضدها , لا , القدرة هى اللى عملت كده , كانوا يحسبوا الناس طوال الأعمار ويدخلوهم الجيش , كان سيدنا داوود 100 أو 200 للجهاد كلهم يموتوا ولا يموت فرد واحد من العدو أبداً , قال له يارب إنت أمرتنا بالجهاد ولا أمرتهم؟ قال له حصل كده كده كده , اللى عملوه ده , ربنا أمر سيدنا جبريل علشان يقدم الشمس يوم ويأخر القمر شهر , لما يلقوا واحد يطلع 30 وده يقول واحد يطلع 7 , اتلخبط الفلك.وانتوا بتشوفوا زى أفلاطون , أرسطاطليس أو فيثاغورس دول إجريج , لا , دول ماتو قبل ما يخلقوا الإجريج ودول موحدين , وسيدنا الخضر وذو القرنين تلامذة أفلاطون وعنده كتاب اسمع " عين الله الجامع لصفات الله " , أولهيا الله يا حى يا قيوم يا بديع السموات والأرض يا ذا الجلال والإكرام.لما اتلخبط الفلك بقت شطارة ساكت والفلسفة مافيش , الفلاسفة الى بعد دول اخترعوا المسير والمخير فقسموا الناس نصين بعضهم مسيرين وبعضهم مخيرين ملوا الأرض كلها والواقع لا مسير ولا مخير , ننتقد الموضوع فى أصله لو الناس مسيرين يعنى مرسوم له قضيب لا يخرج عنه , أرسلوا الأنبياء ليه؟ إيه فايدتهم؟ يعنى ربنا قسم الناس شقى وسعيد , السعيد إبليس يضله إزاى؟ والشقى النبى يهديه إزاى؟ يبقى باطل من أصله , المخير يعنى اللى يعمل على كيفه , ويتمرض ليه؟ وتموت ليه؟ واحد مش عنده ولد ليه؟ وماعندوش بنت ليه؟ بقى ده باطل , أمال الواقع إيه؟ الواحد لا مسير ولامخير , لكن الدين أربع مراتب , أنت فى التوفيق اتكلم به , أنت فى التفويض اتكلم به ... إلخ , كلام الخاصة تجد سيدنا سليمان قال له ربنا (فَامْنُنْ أَوْ أَمْسِكْ بِغَيْرِ حِسَابٍ) سيدنا إبراهيم قال له ربنا أسلم (قَالَ أَسْلَمْتُ لِرَبِّ الْعَالَمِينَ) سيدنا سليمان مرتبة خيار يعنى مخير , إذا وصلت لهذه المرتبة إعمل كده , ما صلتش إمشى صلى الصبح زى ماقالوا لك , التخيير موطن الخلافة وحمل الأمانة وقالوا لك إنت خليفة اعمل كده , وإذا ربنا استلمك , تدبير ربنا أحسن من تدبيرك , يقول الرؤساء " اللهم إنا قد عجزنا عن جلب الخير لأنفسنا "
