برهانيات كوم / الطريقة البرهانية
وفى حديث آخر قال رضى الله عنه:
سيدنا نوح توسل بالنبى صلى الله عليه وسلم ـ أول الكبار بعد آدم ـ لما توسل به , السماء بقى ينزل الموية زى القِرب والأرض كلها ينابيع , فلما توسل بالنبى صلى الله عليه وسلم جاب له أربع مسامير , كل مسمار مكتوب عليه حرف العين , مكتوب باسم الصحابى , حرف عين تحت منه أبو بكر , حرف عين تحت منه عمر , حرف عين تحت منه عثمان , حرف عين تحت منه على , ربنا جل وعلا يقول (تَجْرِي بِأَعْيُنِنَا) بعين عيون الفيوضات الأقدسيات , مين؟ الخلفاء الأربعة وفى مقدمة السفينة على الصارى كتب (أملحلمهد) كده.س: سيدنا نوح رسى فين؟مولانا الشيخ: فى الجودى والجودى أعلى جبل فى الدنيا وهو فى روسيا.س: لما واحد يسمع اسم سيدنا نوح او اسم سيدنا عيسى ماذا يقول؟مولانا الشيخ: عليهم السلام , أما سيدنا محمد عليه الصلاة والسلام.س: ما هى بلد سيدنا نوح اللى فيها جبل الجودى؟مولانا الشيخ: سيدنا نوح كان بالكوفة بالعراق.س: بيقولوا لما سينا نوح نزل من المركب بتاعه لقى حاجه حمراء وكانت دى محل البيت الحرام فلما أندثرت الحاجة الحمراء دى من التارب وغير ذلك , ربنا وراه لسيدنا إبراهيم , فهل يعنى مكان البيت كان معروف من يوم ربنا ما خلق الأرض؟ وسيادتكم قلت قبل كده إن أول جزء تكون فى الأرض لما الحر أزبد ثم نشف كان أول حتة فى الأرض موطن البت الحرام , يعنى هل كان مكان البيت معروف قبل سيدنا إبراهيم أو إن بداية معرفته من أيام سيدنا إبراهيم الخليل؟مولانا الشيخ: (وَإِذْ بَوَّأْنَا لِإِبْرَاهِيمَ مَكَانَ الْبَيْتِ) ورينا لإبراهيم مكان البيت , البيت اللى قلت عليه فى سيدنا نوح فى روسيا لأن الجودى بتاع سيدنا نوح فى روسيا. بلد سيدنا نوح هى بغداد والمحل اللى سيدنا نوح كان بيعمل فيه المركب من هناك ولف الأرض كلها واستوى على الجودى.س: المركب بتاع سيدنا نوع ربنا بيوصفها بقوله (وَحَمَلْنَاهُ عَلَى ذَاتِ أَلْوَاحٍ وَدُسُرٍ) لماذا لم يقل مركب؟مولانا الشيخ: مافيش اسم مركب فى الوقت ده , لم يكن معروف حاجه اسمها مركب.س: يعنى أول من أخترعها هو سيدنا نوح؟مولانا الشيخ: أيوه.فيه كتاب عامله ابن تيميه اسمه (التوحيد) بيقول الأصنام بتوع سورة نوح دول يغوثا ويعوقا ونسرا دول كانوا أولياء فى قوم سيدنا نوح وبعد ما سيدنا نوح مات الناس عملوا أصنام وعبدوهم (هو قصده يشتم فى الأولياء) أنا علشان أحفظ نصوصه اشتريت الكتاب ده , اللى جاب لى الكتاب ده قلت له يا أخينا الكتاب ده بيقول الأربع أصنام دول كانوا أولياء فى زمن سيدنا نوح.قرأته؟قال: أيوه أنا قريته.إقراه تانى.قرأه.قلت له: بيقول إيه؟بيقول إن دول أولياء من قوم سيدنا نوح؟ لما سيدنا نوح مات الناس عبدوهم.قلت له: النبى الوحيد اللى ما عنده قوم سيدنا نوح , الأرض كلها غرقت , اللى كانوا فى مركب سيدنا نوح أولاده , إتزوجوا البنات أولاد المسلمين اللى كانوا معاه فى المركب , دول كانوا مين؟ الآية (وَجَعَلْنَا ذُرِّيَّتَهُ هُمُ الْبَاقِينَ) فتحت السورة له وقلت له: أقرأ الآية , سيدنا نوح ركب فى المركب وحامل فيها (مِنْ كُلٍّ زَوْجَيْنِ اثْنَيْنِ) البهايم وغير البهايم وكده , بعد كده الميه نازل زى القِرب من السماء , الأرض كلها اتفجرت ينابيع.الوهابية جولى مرة قالوا يعوقا ويغوثا ونسرا اللى فى سورة نوح دول كانوا أولياء فى زمن سيدنا نوح وبعد ما سيدنا نوح مات (كاتبين كده) الناس عبدوهم , قلت لهم: بتقولوا إيه؟ النبى الوحيد اللى ما عنده قوم سيدنا نوح , أولياء فى قومه كيف وهو ما عنده قوم؟ غرقهم كلهم غير أربعة أنفار نجوا معاه فى المركب , أولاده إتزوجوا بنات دول (وَجَعَلْنَا ذُرِّيَّتَهُ هُمُ الْبَاقِينَ) واحد ما عندوش أولاد , الثلاثة كل واحد عنده بنت , أولاد سيدنا نوح إتزوجوا دول (وَجَعَلْنَا ذُرِّيَّتَهُ هُمُ الْبَاقِينَ) , الآية (مِنْ كُلٍّ زَوْجَيْنِ اثْنَيْنِ) دول الحيوانات بس , الأرض ذاتها كلها غرقت مش فى منطقة معينة.
