برهانيات كوم / الطريقة البرهانية
فى الأول سيدنا إبراهيم بنى البيت وبعد ما تم بناء البيت بيعرف إن اليت ده مش قبلته فهو بناه لمحمد صلى الله ليه وسلم. فسيدنا إبراهيم بعد ماخلص دعى لأمة النبى كثير (وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ * رَبَّنَا وَاجْعَلْنَا مُسْلِمَيْنِ لَكَ) هو وسيدنا إسماعيل (وَمِنْ ذُرِّيَّتِنَا) من ذرية سيدنا إسماعيل (أُمَّةً مُسْلِمَةً لَكَ) دول جدود النبى (وَأَرِنَا مَنَاسِكَنَا) مناسك الحج على لسان النبى عليه الصلاة والسلام , وبعدين دعى , رب (اجْنُبْنِي وَبَنِيَّ أَنْ نَعْبُدَ الْأَصْنَامَ) تسع صفات دعى بيهم سيدنا إبراهيم علشان أمة النبى عليه الصلاة والسلام , بعد ما خلص ربنا قال له (وَأَذِّنْ فِي النَّاسِ بِالْحَجِّ) سيدنا إبراهيم قال يارب الحج ده لأمة خير الأنام وبينى وبينه لسه أمد بعيد , انادى كيف؟ وأعمل كيف؟ قال له: إنت نادى وانا أبلغ.- سيدنا إبراهيم نادى يا أمة خير الأنام إن الله فرض عليكم الحج عليكم أن تحجوا بيته.- وبعد منه سيدنا جبريل نادى نفس النداء , وربنا بلغ.- وبعد منه إبليس , إبليس ذاته نادى وربنا بلغ.هم دول الثلاث أصناف بتوع النداء.لتوضيح نداء إبليس:أنا بأقول إن فيه ناس بيعملوا حفلة كوكتيل، وبعدين يسهروا لغاية 12 وهم سكرانين، وبعدين يروحوا لموطن الاحرام، ده حج إبليس، بنداء إبليس، واللى مشيوا بنداء إبليس كتار جدا،فضل الحجات العالية، بنداء جبريل وسيدنا ابراهيم.وبعدين الحج بنداء سيدنا ابراهيم:- واحد وهو جاى في الحج، يموت قبل مايوصل، وده أعلاه، كيف كان أعلاه؟ ربنا بيخلق ملك يحج له كل سنة لغاية النفخ في الصور , وده اللى اختاره الامام الشاذلى، ولذلك مات في الصحراء وهو في طريقه إلى الحج، حديث غريب جدا والكبار بيعرفوه.- التانى مايرجعش، يمشى يموت هناك، وده أقل من ذاك، الأول اللى يموت في السكة وهو رايح،- الثالث واحد وهو راجع يموت.وبعدين فيه الحجة العالية: وده معنى قوله تعالى {الحج أشهر معلومات} وهذا هو الحج اللى بيعرفوه الناس الكبار والعلماء الكبار والمتطلعين الكبار اللى ماعندهمش جثث بيقدروا على هذا وقالوا في هذا المعنى:- في رجب يكون في الحرم " رجب شهرالله الأصب" فبيكون في الحرم.- في شعبان " شهرالرسول" فبيكون في الروضة.- في رمضان " شهرالله " بيرجع الحرم، علشان إحنا في رمضان نضاف، فهى حجة مبرورة، بعد كده إن شاء قعد، وإن شاء رجع، يقعد 10 أيام يبقى الحج ده (أَشْهُرٌ مَعْلُومَاتٌ)،،،الأعلى من كده:- يتزكى من هنا بالعبادات ـ بالاوراد يعنى ـ يعمل أراد وقلبه يتزكى ويتطهر فلما يروح عرفات يلقى المعرفة " عرفات المعارف " يروح عرفات يلقى المعرفة , يروح يطوف يتطهر ويعدبن يوصل يرجم الشيطان , خلص من الأنفس مشى وذبح , انتهى من الأنفس كلهم , اتزكى وتطهر بالشكل ده يمشى يأخذ التأييد من النبى صلى الله عليه وسلم وده من الكبار واحد.- التانى لما يروح عرفات يلقى المعرفة , لما بيجى الطواف جسمه يطوف هنا وروحه يطوف بالبيت المعمور وروحه الكبير يطوف بالعرش , وبعد كده يعرجوا به إلى الكرسى يلقى القرآن , وبعد ما خلص الحج ومشى إلى الروضة يجد خلع التشريف (سَلَامٌ قَوْلًا مِنْ رَبٍّ رَحِيمٍ) والكلام ده مش لاعتيادى الناس , التلبية " لبيك اللهم " دى فى الظاهر العربى استجابة لنداء سيدنا إبراهيم عندما دعى.
