برهانيات.كوم
التفريغ النصي : الاخ الشاذلي طارق
نشكر الفرقة اللى هى ذى ما بقولوا أدتنا نوع من الفكاهة ونوع من الشئ الجميل ، اللى ربط المغزى بالمرح ، ، دى حاجة جميلة ، ما شاء اللهبالنسبة للمشاريع بتاعتكم : التقديم تقديم جميل ، والطرح طرح جميل
انا أتمنى إنو نحن زى ما وصانا مولانا شيخ إبراهيم إنو الناس وبما أنكم إنتو ما شاء الله يعنى عندكم ما شاء الله كل الاختصاصاتا وعندكم كل الإمكانيات يعنى اللى ممكن الناس تسخرها لتخدم المجتمعالفكرة بتاعت إنو الناس تبدأ من صغير ، يعنى قوافل طبية ، أو زى يوم اليتيم ، أو موضوع الختان ، أو الأمور الجميلة دى :--
ده بكون جزء انا أفتكر عندنا كمية من الشباب أو الخريجين ، أو الطلبة ديل ممكن يواصلوا فى الموضوع ده ، يعنى أنحن نقدمها على ثلاثة مراحل : المرحلة الأولى المبتدئين -- خطوة فى المستقبل القريب ، وخطوة فى المستقبل البعيدوالطريقة حجمها أكبر من إنها تكون عندها قوافل بسيعنى مثلاً عندنا ذى موضوع المراكز الخيرية اللى ممكن تقدم العون للناس على مدار السنة ، حسب الإختصاصات : يعنى مثلاً لو إتكلمت عن الأسنان ، ممكن الناس تقوم تعمل ليها عيادة أسنان فى أماكن ، وتشوف إنو الناس محتاجين ليها ، والطريقة اللى ممكن تقدم بيها شنو ، وطبعاً ده بيرجع ليكم إنتو ، سواء كان تعملوا حصر لعدد الناس الموجودين ، أو تديهم كروت ، والناس تقدم العون للناس ، لأنو هو دى حاجة بسيطة الطريقة ممكن تقوم بيها ، وكل الحاجة اللى بتكون مطلوبة يا هو كرسى أو كرسيين للأسنان ، ومكان ، والمكان ممكن يكون بيت ، أو ممكن شقة ، أو ممكن يكون أى حاجة ، بعد داك إنتو بتقدروا حسب دراستكم للناس ، ، فى بعض الناس بيقدموا الموضوع ده بنسبة 90% أو 95 % (مجاناً ) ،
، ممكن بعد داك نشوف الناس حسب أحوالها وحسب ظروفها ، سواء كان بالنص ، أو لو كان فيها تخفيض ، فيها كدهنمشى للمجالات التانية مثلاً زى الولادة برضو الناس لو عملت ليها محل ، ذى مستوصف ، أو مركز جهزتو تجهيز كويس ممكن يخدم الناسبرضو ذى موضوع الكلى وكثير من الناس بعانوا فيها ، والشعب السودانى يا هو طبعاً الناس مغلوب على أمرها بالظروف الحائطة بيهو دى ، ، (دى مرحلة الوسط)المرحلة الأكبر واللى هى دى كان بتكلم فيها مولانا شيخ إبراهيم شئ لله قبل الإنتقال بسنتين أو ثلاثة سنوات ، وكان حتى سعى فيها : ----إنو الناس مفترض يكون عندها مستشفيات ، ومفترض يكون عندها جامعات تدرس ، وكل واحدة حسب الإختصاص ، يعنى هو شئ لله (رضوان الله تعالى عليه) حتى لما يتكلم عن التصوف كان بيقول لينا إنو نحن فى السودان ما عندنا جامعات لتدريس التصوف لية الناس ماتقدم حاجة ذي دي
فى المجال الطبي نحن مفترض يكون عندنا وجود ، يعنى إنو الناس يكون عندها كوادر وعندنا مستشفى خاصة بيها ، لأنو ده زاتو واحد من سبل الدعوة ، لأنو انت لو ما قدمت للناس الشئ المحتاجين ليهو ، أو هو لو ما لقى عندك ضالتو ، أو الحاجة اللى هو دايرها ، ، لأنو ما كل الناس ممكن بيجو بالمحبة ، ، إنت لازم تقدمها من ناحية عملية ، ، وذى ما قال الرسول (صلى الله عليه وسلم) إنو الناس جسد واحد ، وإنت لو حسيت بمعاناة أخوك ، أو ساعدتو فيها ، ، دى بتكون حاجة جميلة ، وربنا يوفقنا جميعاًوإن شاء الله البرنامج بتاعكم ده ممكن تترجموا لينا وتقدموا خطوات عملية كل حسب إختصاصه ، وتورونا الشئ اللى ممكن نبدأ فيهو شنو ، وإن شاء الله تلقونا معاكم ، وإن شاء الله الناس تقدر تتساعد فى الموضوع ده ، وإن شاء الله الموضوع ده يمشى لى قدام ، ، وكل عام وأنتم بخير ، ونشكركم جزيل الشكر مرة تانيةوإن شاء الله ما تنقطعوا لينا من العادة الجميلة دى إن شاء الله
