ماذا يحدث اذا ذكر المريد الله بالاسم المفرد لمدة طويلة .. من علموا عنى لسيدى فخر الدين

برهانيات كوم 

من علموا عنى الجزء الاول لسيدى فخر الدين الشيخ محمد عثمان عبده البرهاني 

==================

بعدين يا اخوانا صليتوا على النبى ولا ما فاضيين؟ ده بقى معروف؟ لمن كان موطن الإسم بالشكل ده تم والملايكة نزلت، خادم الإسم الإلهى الكروبى يقول: إلهى وسيدى فلان، إنت إسمك أحمد، يقول أحمد ابن سيدى ابراهيم، عمر ابن سيدى ابراهيم، توفيق ابن سيدى ابراهيم، عشان عندهم سلب الإسم والوسم والرسم والكنية ضرورى جداً، يشيلوا اسمك، إسم أبوك يختوا الإسم، إسم الطريقة اللى إنت فيه، بعدين يشيلوا الوسم كمان، يقولوا عبد الله، عبد الرحمن، عبد الرحيم، كده، دغرى؟ إلهى وسيدى فلان ذكر الإسم اللى خلقتنا وأطعمتنا وسخرتنا وسيّرتنا بيه لَمِن ورده، ربنا يقول لهم إنزلوا أنتم كمان ساعدوه، ده معنى قوله تعالى (وَمَا نَتَنَزَّلُ إِلَّا بِأَمْرِ رَبِّكَ) 64 مريم، راح ينزل الملك على المريد، يلوحوا ليه لوايح نور، لوايح نور، لوايح نور، لغاية ما يظهر ليه، بعدين يساعده، يقطع منه الولائق والعوائق وبعدين يبقى خدامه، بعدين، يبقى ليه هواه، ده معنى الوعد الإلهى (الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ) 30 فصلت، خلاص؟ بعد الحالة ده، يجى الملك ويصاحب الإنسان يقطع منه العلائق والوائق ويزكيه، الشيخ زكاه، قدمه لمولانا الحسين زكاه، ترقى، أخيراً، أخيراً، أخيراً، الملك يرجع لربنا يقول إلهى وسيدى البيت طهر، يعنى قلب العبد المؤمن نضف، طهرناه، زكيناه، يقول لهم ودولوا البشائر، ودولوا البشائر، يخاطب تبارك وتعالى عوالم الإسم زى كده، عوالم الإسم الواحد، يقول لهم ودولوا البشاير وطهروا بيتى للطائفين والعاكفين والركع السجود، بقى دغرى؟ طهروا بيتى للطائفين والعاكفين والركع السجود، الملايكة إتخلعوا، سمعوا الخطاب الإلهى دابوا، بعضهم بقى رقيق، بعضهم راح، بعضهم فنى، بعضهم سحق، بعضهم، بعضهم، بعضهم، بعضهم (حتى إذا) ما (فزع عن قلوبهم) الخطاب الإلهى صحوا، قالوا للرئيس ماذا؟ فيه إيه؟ربنا قالهم فيه إيه؟ وقال إيه؟ والموضوع إيه؟ يسئلوا الرئيس (حَتَّى إِذَا فُزِّعَ عَنْ قُلُوبِهِمْ قَالُوا مَاذَا قَالَ رَبُّكُمْ) 23 سبأ، الخبر ده من المولى تبارك وتعالى (قَالَ رَبُّكُمْ قَالُوا الْحَقَّ وَهُوَ الْعَلِيُّ الْكَبِيرُ) 23 سبأ، جوا نازلين، كيفية تصوير النزول، (بِأَيْدِي سَفَرَةٍ ? كِرَامٍ بَرَرَةٍ) 15، 16 عبس، السفير يعنى إيه؟ يعنى اللى يمثل الدولة فى الدول التانية الأجنبية، عربى؟ السفير يعنى إيه؟ يعنى اللى يمثل حالة الدولة، ظاهر؟ اقتصادياً تجارياً سياسياً، فلانياً فى دولة تانية، ظاهر؟ مش كده؟ إيه اللى فى إيديهم؟ زى ما قال (بِأَيْدِي سَفَرَةٍ)، (بِأَيْدِي سَفَرَةٍ) والسفرة ديل (كِرَامٍ بَرَرَةٍ) قلب العبد كده، قلب العبد كده، خلاص؟ يجى الملك الموكل، الملك الموكل بالسمع، ما تسمع كنت سمعه وكنت بصره وكنت كراعه وكنت نخرته، وكنت كنت كنت كنت، ما عربى؟ جه الملك الموكل بالسمع خته هديته، جاى بجيشه طبعاً، جاى بجيشه، الملك الأول كده، باقى الجيش كده، ده بتاع السمع، ده بتاع البصر، ده بتاع الكلام، ده بتاع الحيا، ده بتاع كذا، ده بتاع كذا، السبع صفات، الصفات النفسية كونه تعالى قادراً ومريداً وعالماً وحياً وبصيراً ومتكلماً، مش ده السبع صفات الإلهية النفسية اللى بثّاه للوجود اللى إداه الصنف البشرى، صح كده؟ كل واحد يجى بهديته، يعملوه فى قلب العبد المؤمن، يبقى البشاير (لَهُمُ الْبُشْرَى فِي الْحَيَاةِ الدُّنْيَا) 64 يونس، يعنى ده، (بِأَيْدِي سَفَرَةٍ ? كِرَامٍ بَرَرَةٍ) ياها ده، فى قلب مين؟ فى قلب العبد المؤمن، بعد الوصل الصحيح، بعد إيه؟ بعد الوصل الصحيح، خلاص؟ ده اللى ظاهر فى (كنت سمعه وكنت بصره) الحديث لغاية الآخر، خلاص خُلصنا؟

لقراءة المزيد اضغط هنا