من علموا عنى الجزء الأول للامام فخر الدين الشيخ محمد عثمان عبده البرهاني
أما أحمى حميثاً أطمى طميثاً، فيه حاجة اسمه السبعة المثانى طبعاً، السبعة المثانى دول هم سبع أنفار، سيدنا الحسن والحسين والمهدى المنتظر التلاتة ديل مراتبهم ثابتة، بعدين الأربعة الأئمة، الأربعة الخلفاء، الأربعة الأقطاب، أربعة حملة الكتاب، أربعة ملائكة المقربين، ظاهر؟ أربعة حملة العرش، ديل كلهم، كل واحد وأربعة، رؤساء الأنبياء والرسل، السبعة ديل هم السبع المثانى، ده سبعة، وده سبعة، وده سبعة، وده سبعة، وده سبعة، بعدين لشيخ بيتوسل مادام هو واحد من الأربعة، ما ممكن يقول يا رب وحياتى، فتوسل بالأكبر منه، كان هو مين؟ (المهدى المنتظر، سيدنا الحسن، سيدنا الحسين) يقول (أحمى حميثاً) أتوسل يا رب بالحواميم لكن من باب التثليث، (أطمى) طلاسم القرآن (طه، طس، طسم) دى معنى (أحمى حميثاً) و (أطمى طميثاً) وأخيراً الله أعلم ما ياهو؟ أصلاً ما قلنا الله أعلم، النهارده بس الله أعلم.
السائل: فى معنى أحون ق موجودة فيها آية تانية غير اللى وردت يعنى؟
مولانا الشيخ: (أحون ق أدم حم هاء آمين).
السائل (معلقاً): نعم.
مولانا الشيخ: ده مدارج السالكين.
السائل: لقيتها فى ورد لسيدى أبو العباس؟
مولانا الشيخ: نعم؟
السائل: سيدى أبو العباس المرسى حطها زى ما يكون ختام فى الورد، سيدى أبو العباس؟
السائل: قديمة أيوه، أنا افتكرتها بتاع سيدى إبراهيم؟
مولانا الشيخ: لا، بتاع الإمام الشاذلى، مَـ (طهور بدعق) كلها بتاع الإمام الشاذلى.
السائل: أنا استغربت لقيتها فى ورد فى صلاة لسيدى أبو العباس؟
مولانا الشيخ: مَـ واحد، الطريقة واحدة، الشاذلية والبرهانية واحدة (أحون ق أدم حم هاء آمين).
السائل: هذا الإسم يعنى مستجاب الدعاء أو كذا من الأسماء السرّية أو، يعنى بيخلّوه فى الدعاء عشان ربنا يستجيب الدعاء؟
مولانا الشيخ: طيب كده إدع وخلّى ربنا يستجيب ونشوف، ما كلنا سمعنا زى ده كتير، لكن واقع الحال هى سر (سَلَامٌ قَوْلًا مِنْ رَبٍّ رَحِيمٍ) 58 يس، يس قلب القرآن، يقولوا الرؤساء (إذا كنت قرآنا فقلبك يس) ظاهر؟ إذا إنت بقيت مصحف فكان قلب القرآن يس:
إذا كنت قرآنا فقلبك يس ... وإن كنت فرقانا فما لك من قلب
سورة يس قلب القرآن (سَلَامٌ قَوْلًا مِنْ رَبٍّ رَحِيمٍ) قلب القلب (أحون ق أدم حم هاء آمين) قلب قلب القلب، إذا الواحد جمع قلبه وقلب الليل وقلب القرآن وقلب القلب، وقلب قلب القلب، ده بيستجيبوا ليه ولاّ بيقولوا ليه كمان أساساً مافيش جنة مافيش نار، إستجابة داك مَـ على كيف ربنا، مش فى إسمه صغير وإسمه كبير، حصل من غرابة الإستجابة واحد من الحجاج فى مركب والدنيا ليل، قام يقطع الجُمار إتزحلق وقع، والهوا شديد جداً، المركب طار طيران، والدنيا قمر، واحد من الصالحين قاعد بيعمل أوراد ساكت، شاف الزول هناك خالص، بيشوفوا الرهاب بتاع الهناى إيدينُه بتلعب مع الموج، فقال (ذَالِكَ تَقْدِيرُ الْعَزِيزِ الْعَلِيمِ) 90 الأنعام، من جِدّه ده، جه مَلَك شاله ختَّه محل ما كان فى المركب، العابد قاعد بيعبد شاف، أصبح فى الصباح، أصبح فى الصباح، الراجل أول، اللى وقع ده؟ قال مين من الصالحين السريعين اللى جه لحقنى قوامك كده وجابنى. الطيرة جات تانى، اتكلم معاه فى آضانه، قال له أنا ما من الأولياء، أنا من الملايكة خدامين الإسم ده، إنت قلت بجمع همة وأنا إتسخّرت مرة واحدة، مرة واحدة، فأصبح فى الصباح الزول سأله قال له يا أخى إدعى لى، قال له با أخى ليس الأمر كما ظننت، قال له يا أخى أنا شفت قصتك إمبارح من الزمن برضُه قريب زى ما قنّبت، أنا إنسان إعتيادى ولّمن المركب قاتتنى خالص جمعت أمرى فوضت الأمر لله، قلت (ذَالِكَ تَقْدِيرُ الْعَزِيزِ الْعَلِيمِ)، جات الطيرة اللى إنت شفتها شالتنى ختتنى فى المركب، بعدين قلت مين الأولياء السريعين دول اللى جه لحقنى قوام، الطيرة جات تانى، قالت لى أنا مش من الأولياء السريعين أنا خدام الإسم ده، لّمن إنت جمعت قلبك وقلت الآية ده إتسخّرت، شفت؟ فجيتك محل ما كنت.
تعليقات: 0
إرسال تعليق