من سلسلة علموا عنى الجزء الثالث لسيدى فخر الدين الشيخ محمد عثمان عبده البرهاني
=====
مولانا الشيخ: أصله انت تجيب حديث وهو يجيب حديث، انت تجيب آية وهو يجيب آية، أنا مرة باحكى فى حديث جابر، واحد قال الحديث ده ما صحيح، قلت ليه المصحف صحيح؟ قال لى آى. قلت ليه صورة ربنا فى الأول ولا فيه الآخر فيه؟ قال لأ، امضاءه فيه؟ لأ، فيه شهود على إن ده من ربنا كتبه؟ اللى انت ما تعرفه تنكره، احنا مش رايحين نخلص، خلاص امشى يا أخوى مش راح نتكلم معاك، مش كده؟ أى حديث يقول ليك ما صحيح، صحة المصحف شنوه؟ فيه دليل على انه المصحف صحيح؟ غير الحديث في؟ ......... ، قلت ليه صورة ربنا فى الأول فى؟ المصحف مش كلام ربنا؟ قال آى، قلت له صورة ربنافى الأول فيه؟ قال لأ، فى الآخر فيه؟ لأ، إمضاءه فيه؟ لأ، فيه شهود على إن ده من ربنا؟ إذا انت بتنكر إى حاجة من غير ماتعرف، انكر على المصحف كمان، مغالطة الشيوعى أو السفيه أحسن من مغالطة الوهابية، أو إخوان المسلمين، دول خاليين الذهن من الأشياء ده، فلذالك بيسمعوا طوالى ولا بيغالطوا، لكن ده تجيبه بى جاى يجيك بيجاى، تجيه بيجاى يجيك بيجاى، من كل النواحى، والحديث اللى هو ما يعجبه يُكذبه، يِِكذبه، والتفسير لو ما يعرفه ينكره، يقول لك مين قال؟ مرة واحد قلت ليه أنا قلت، المفسرين مش ناس؟ قال آى، أنا ما زول بافهم، انت بتنكر على إيه ورينى؟ انت بتنكر على إيه؟ ده الأية وده التفسير؟ اللى فى الكتب مش كلام ناس برضه؟ آى، مش إجتهاد عقل وراس؟ طيب ما عندى عقل، وأهو زول، كيف تعرف إنى مامن المفسرين؟ قصتهم عجيبة، آهو غايته مصيبة على المسلمين وخلاص، الدليل على انه كلام ربنا بتاع ربنا شنوه؟ أبدا مافى دليل يجيبه.
السائل: .......... ديل برضه ماشيين على نفس النسق؟
مولانا الشيخ: آى على نفس النسق آى وفيه عندهم ناس متَبعينهم.
السائل: 10 ولا 12 ماأكثر من كده ياعم الشيخ؟
مولانا الشيخ: دول كتير.
السائل: بيصلوا معاهم الجمعه الساعة 8 صباحا ...... ؟
مولانا الشيخ: أصلهُ بيصدقوا دول ليه؟ ما فيه حاجة بالبديهى انت تعرفه مش شرطا ً يعلموك، فيه حاجة بالبديهة البهايم يعرفها مش يعلموهم، الصلاة والصوم عندنا بقت طبيعة ما اتعلمناها، انت لقيت أهلك وأبوك وأمك واخوانك واخواتك والحلة كلها بيصلى صلوات خمسة، يعنى يعنى الصبح زى ماهو الضهر زى ماهو الضهر العصر المغرب العشاء، كيف الواحد يكذب ده؟ ده مكتسب ولا عادة بقت طبيعة.
السائل: هو على حسب كلامهم ده معناه الجنة بس يخشوها هم ال12 بعدين أنا قلت ليهم معناه الجنة بس تدخلوها إنتو والباقين كل الناس يمشوا النار قالو لى أيوة؟
السائل: أنا قلت ليهم ليه انتوا عملتوا الجمعه الساعه 8صباحا، قالوا ربنا فى آية بتقول (فإذا قضيت الصلاة فانتشروا فى الأرض) 18 الناس قالوا بعد الساعة 2 ينتشروا يمشوا وين، لازم يكون الصباح عشان بعد ما يخلصوا من صلاة الجمعة الصبح ينتشروا فى الأرض يشوفوا شغلهم؟
مولانا الشيخ: ويذكروا الله كيف؟
السائل: الناس ديل تعليمهم قديم؟
مولانا الشيخ: تعليمهم قديم ولاّ هسه، فى زمننا ده.
السائل: ............ ؟
مولانا الشيخ ولا من زمان فى؟
السائل فى السودان قريب يعنى فى السودان ليه4، 5 ....... أصلاًجاى من سوريا للأسف من سوريا؟
سائل آخر (معلقاً): يظهر إنه العملية دى جديده ياعم الشيخ ......... الناس ديل كلها تروح النار ....... ؟
تعليقات: 0
إرسال تعليق