برهانيات كوم
مولانا الشيخ: أيوة، على الإطلاق، فالأحزاب معمولة لكده، والصلوات معمولة لدايرة الإحاطة زى ما قولنا، أما الصمدية اللى بنقوؤها هسه، الصمدية دى مؤقتة، مش أوراد إعتيادى، وإن كان فضائلها كتير وواردة فى السنة لكنها أوراد مؤقت مش أوراد عمومى، أما حزب السيف طبعاً قصته ده كتير خالص، مش ده الأوراد بتاع الطريقة كلها، حزب السيف، شى لله سيدنا جعفر الصادق رضوان الله عليه يقول: إذا حد لقى الإذن بتاع الحزب السيف وما قراه معناه هو ما سعيد، ويقول: ليه 12 ألف خاصية، ستة آلاف للدنيا، ستة آلاف للأخرة، فالأورادات ده لوازمه، أهم المهمات، الأساس والفواتح وأوراد الليل، اللهم علمنا.السائل: أوراد الليل المراقبة يا عم الشيخ؟مولانا الشيخ: المراقبة أيوة.السائل: الحزب الصغير ده بيعمل إيه حاجات خلاف ده، الحزب الصغير عنده ميزات براه؟مولانا الشيخ: الحزب الصغير لإلجام الأعدا، وينفع لأى شئ برضه، كنا نعالج بيه العقرب كمان.السائل (معلقاً): يعالج القرصة.مولانا الشيخ: الحزب الكبير إذا واحد قراه على عقرب سبع مرات بيلِمْ السم فى موطن واحد، إذا زوّد على سبعة لازم يخت خشبة، طوبة، عشان السم راح يطلع، لما يقراه تلاتة سبعات السم كله بيطلع يدخل فى الشى اللى هو حاته، إذا طوبة ولا خشبة، كلام زى ده وهو لكل الأغراض.
