برهانيات كوم
السائل: الألف إضاربوا فى بعضهم؟مولانا الشيخ: يعنى هو هو، فبعدين المعتمد الرسمى، لّمن قالوا للسيد إبراهيم الدسوقى، قالوا له: انشر الطريقة، قال لهم: لا (وشاع طريقى فى الورى بعد غيبتى) أنا إذا قعدت للإرشاد الطرق بتاع إخوانى راح يروحوا، فالطريقة بتاعى راح تنشر بعد منى، بعدين سيدى موسى أبو العمران أخو الشيخ الأكبر، الشاذلى خاله ومتزوج أخته (المقصود ابنته ولاحقا أكد مولانا هذه المعلومة) والشاذلى صاحب الوقت قاعد معاه سنين طويلة لغاية ما ولد ولدين، فكرك ما أخدش الطريقة الشاذلية، سجم حبوبتك!! بقى يكون ده صاحب الوقت ليه ملايين المريدين وده ابن أخته وقاعد معاه ومتزوج بنته، لّمِن ولدت ليه ولدين وهو قاعد ما أخدش الطريقة، البرابرة يقولوا: اللى يدخل يده فى جراب الدقيق إذا سرق سرق، إذا ما سرق برضه سرق، انت مارحتش مصر، لابد أخذ.السائل (معلقاً): لابد طبعاً، طبعاً يا عم الشيخ.مولانا الشيخ: فالطريقة انتشر بإيد مين؟السائل (معلقاً): بإيد سيدى موسى.مولانا الشيخ: بإيد سيدى موسى أبو العمران، فيكون الطريقة برهانية شاذلية ولاّ لا؟ والمعتمد الرسمى مدد الإمام الشاذلى فى الظاهر مشى على إيد مرسى أبو العباس، فى الباطن الممد السيد إبراهيم الدسوقى، فلذلك يكون الطريقة البرهانية الشاذلية، خلاص؟ كان ده أوراده لوحده، وده أوراده لوحده، أبو المواهب لّمن راح المغرب جمع الأورادين سوه سماها الدسوقية الشاذلية، البرهانية الدسوقية الشاذلية، إداه للشيخ أحمد زروق، والشيخ أحمد زروق نشر الطريق فى كل الدول.السائل: فمعناه مدد سيدى أبو الحسن الشاذلى من سيدى إبراهيم؟مولانا الشيخ: آى واحد ولاّ لا.السائل (معلقاً): واحد.مولانا الشيخ: مش واحد؟السائل (معلقاً): أيوة يا مولانا.
