برهانيات كوم
السائل: فيه قول مش عارف صحته (ما خلع الله علىَّ خلعة إلا وخلعتها عليك يا على)؟مولانا الشيخ: لا، بتاع الصحابة داك كتير، أشد حاجة، الصحابة كل واحد فضائلهم كتيرة، خصوصاً الأربعة فضائلهم كتيرة جداً، أشد حاجة بالإتفاق، الراية يوم خيبر وحديث الطاق، ده اللى يتمايز بيه سيدنا على من غيره، الراية يوم خيبر: بعت سيدنا أبو بكر رسول الله صلوات الله وسلامه، لفتح الحصن، ما اتفتح، بكره بعت سيدنا عثمان، بكره بعت سيدنا عمر .... سيدنا عثمان ما اتفتحت، النبى عليه الصلاة والسلام زعل قال بكرة سأعطى الراية لرجل يحب الله ورسوله ويحبه الله ورسوله، كل واحد من الصحابة تمنى إنه يدّوا له البيرق، أصبحوا فى الصباح قال لسيدنا بلال، قال له يا بلال ابن ..... اذهب وائتنى بسيد العرب، السيدة عائشة واقفة قالت أولم تكن أنت سيد العرب يا رسول الله؟ قال: لا، سيد العرب على، أما أنا فسيد ولد آدم، الصحابة كلهم عرب، مش كده؟ سيد العرب على، أما أنا فسيد ولد آدم، بإتفاق الرؤساء يقولوا: (دلّت على تقديمه الراية يوم خيبر) مش كده يا عم الشيخ؟ بعدين حديث الطاق: واحد من الصحابة جاب للنبى عليه الصلاة والسلام جدادة سمينة نجيضة، صلوات الله وسلامه عليه كان تلات أيام ما أكل، بعدين خت الجِدادة قدامه قال (اللهم أئتنى بأحب الخلق إليك ليأكل معى) سيدنا على يجى من الباب، سيدنا أنس يقول ليه: النبى مشغول، النبى زعل شديد، بعد شوية يقول (اللهم ائتنى بأحب الخلق إليك ليأكل معى) يجى سيدنا على فى الباب، سيدنا أنس يقول ليه: النبى مشغول، النبى زعل شديد، تانى يقول (اللهم ائتنى بأحب الخلق إليك ليأكل معى) سيدنا على جه فى التالت، سيدنا أنس قال له: النبى مشغول، كورك قال له: مشغول عنى بإيه يا أخى؟ النبى عليه الصلاة والسلام سمع حسه، قال له: ائذن له يا أنس، جه داخل، خت الجِدادة قدّامه، وقعدوا ياكلوا همّ الإتنين، قال له: يا أبا الحسن هممت أن أذكرك بإسمك ثلاث مرات، وتبطئنى؟ قال له: التلات مرات أنا جيت، أنس ده بيطردنى، قال له، ما الذى حملك على هذا يا أنس؟ قال له: كنت عاوز واحد من قبيلتنا يجى، سيدنا على قال له: اصابك الله بالوصب، اللى هو القوب، سيدنا أنس كان أيا ما يرفع راسه يقولوا: ما هذه يا أنس؟ يقول: هذا دعوة على.السائل: راسه كانت صلع؟مولانا الشيخ: أيوه، مش صلع، هناى، زى .....السائل: يعنى زى الثألول حاجة طالعة فى .... ؟مولانا الشيخ: لا، لا، لا، مرض كده يطلع حبوب حبوب حبوب، كده، بعدين يزّلط، يشوّه الراس، ما ينبتش محل الشعر، بالعربى الفصيح إسمه الخراز، واسمه الوصب، وإسمه القوب عندنا بلغة الجعليين، مش اسمه قوب؟
