برهانيات كوم
السائل (مستفسراً): قراءة واحدة؟مولانا الشيخ: قراءة واحدة، وقدر ما تكتر منه يكون سريع، باقول لكم أكعب حاجة فى الدنيا، مش ...... المجاذيب؟ ممكن واحد مجذوب يبقى عاقل؟ مش ممكن، ده خلاص شالوا، شالوا عقال عقله، يبقى عاقل كيف؟ مش ممكن يبقى عاقل، كتيرين صلّحناهم بالحزب الكبير.السائل: ورجعوا عاقلين؟مولانا الشيخ: رجعوا عاقلين.السائل: وخرجوا من دائرة الجذب، والإختصاصات؟مولانا الشيخ: طوّالى بقوا ناس إعتيادى، ياكلوا كويس، يشربوا كويس، يخدموا كويس، يزّوجوا كويس، يعبدوا كويس، ينشروا الطريقة كمان، دلوقت إنتم فهمتم إنه أى واحد عنده غرض، يمسك حاجة للغرض بتاعه ده، لازم ما يتخطاها، وأكبر العيوب، أكبر العيوب، ظاهر؟ العتبة الوحيدة، الكوبرى، الخزان الواضح اللى بيمنع المريدين من السير، كون الواحد يمسك الاسم ده زمن، سنة، سنتين، يغّيره، يدخل فى اسم تانى يمشى فيه سنتين، يغّيره يدخل فى اسم تانى يمشى فيه سنة، سنتين، ده أخطر موقف، مافيش أكعب من كده للمريد ولا عيب أكتر من ده، حصل فيه إخواننا ضيفية كانوا بيحسدونا ويشاكلونا كتير فى عطبرة، فى مرة، قال لىِّ،: يا شيخ محمد، إحنا حضرتنا اتقفلت، المريدين كلهم كسلوا، من فضلك لِمُّهم عشان تاخدهم يمشّوا لنا الحضرة، مشيت لده فى بيته، لده فى بيته، جمعتهم فى ميعاد معين، إتناقشنا، إتناقشنا، إتناقشنا، بعدين صالحناهم وخلاص قالوا من ليلة الجمعة يبتدوا الحُضر.
