علموا عنى : عاوزين إتصال الخلق بالخالق؟ أو الرب بالمربوب؟

برهانيات كوم 

مولانا الشيخ: طيب كيف، عاوزين إتصال الخلق بالخالق؟ أو الرب بالمربوب؟ ده بقى محل الموضوع، مش كده؟ تبارك وتعالى يقول (كُلُّ شَيْءٍ هَالِكٌ إِلَّا وَجْهَهُ) 88 القصص، صح؟ تمام؟ تانى يقول (أَيْنَمَا تُوَلُّوا فَثَمَّ وَجْهُ اللَّهِ) 115 البقرة، تمام؟ يقول (أَيْنَمَا تُوَلُّوا فَثَمَّ وَجْهُ اللَّهِ)، (كُلُّ شَيْءٍ هَالِكٌ إِلَّا وَجْهَهُ) تانى يقول ... !!!، أيوة ممكن نذّكره بعد شوية (لِكُلٍّ وِجْهَةٌ هُوَ مُوَلِّيهَا) 148 البقرة.السائل: (كُلُّ مَنْ عَلَيْهَا فَانٍ) 26 الرحمن ...مولانا الشيخ: (كُلُّ مَنْ عَلَيْهَا فَانٍ) خلاص؟ إعمل الإسم (الله) زى السماء كده أو زى سقف البيت مثلاً ولله المثل الأعلى، خلاص؟ الإسم (الخالق) بعته الإسم (الله)، فى الأول الأسماء الإلهية زى العدة بتاع النجارين، فى الأول الأسماء الإلهية تعمل ليه ميزانية زى العدة بتاع النجارين، أو البرادين، أو .. ، أو .. ، أو .. ، أو .. خلاص؟ الأسماء الاإلهية دى العدة اللى ظهرت منها أعيان الوجود كلها، واضح؟السائل (معلقاً): نعم.مولانا الشيخ: كيفية الظهور؟ نقول الإسم (الله) زى كده، أرسل الإسم (الله) الإسم (المصور)، الإسم المصور عمل خرطة لمحمد عثمان، ده الراس، ده الشعر بتاع الراس، ده العين، ده المناخير، ده الخشم، ده الدقن وهلمجرا لغاية الأظافرين، مش كده؟ (المصور) صور الصورة، صح؟ واضح؟ قال للإسم (الخالق) إخلق على الصورة ده إنسان.السائل: يعنى إسم (الله) رئيس مثلاً ... ؟مولانا الشيخ: إسم (الله) هى اللى بتبعت، مش رئيس بتأمر، هى اللى بتبعت، يعنى نزلت خيط من هناك، الخيط ده نسميه إيه؟ (المصور) مربوط مع الإسم (الله) فوق ولاّ لا؟ مع (المصور) هنا مربوط من حيث التصوير، ظاهر؟ وضّحت الصورة، ده مثال بسيط يعنى، الإسم (الخالق) خلق على الصورة ده محمد عثمان، دغرى؟ بعت جه الإسم (الخالق) برضه بحبل، خلق اللى صورته (المصور)، بقى واضح؟ الإسم (الله) بعت الإسم (المحيى) أحياه، واضح؟ الإسم (البصير) بصّره، (السميع) سمّعه، مش كده؟ الذوق، الشم، اللمس، كل حاجة، حصل التكوين لغاية الآخر، واضح؟ بقى عربى فصيح؟ إنتوا فاهمين؟ عربى جعليين دغرى؟ بعدين تعال لمحمد عثمان ده، محمد عثمان ده، ظهر صورته، خلقته، إيجاده، إمداده من الأسماء الإلهية، وعملنا لكل إسم ميزانية زى حبل جاى من هناك طده، الحبل ده مربوط فى الإسم (الله) ولاّ لا؟ واضح؟ وجه مربوط فى بنعمةالإيجاد أو الإمداد ولاّ لا؟ صح؟ بعدين الخلق ده المحكوم عليه بالعدم، الوجه الإلهى اللى هو الإسم الرب أو الإسم (المحيى) أو الإسم (المصور)، ده ما محكوم عليه بالفناء (كُلُّ شَيْءٍ هَالِكٌ إِلَّا وَجْهَهُ) الشئ اللى ظهر من الأفعال والأسماء، هالك بالنسبة للإسم (الله)، لكن الإسم (الخالق) بعد ما خلق زيد من الناس وده دخل أكل رزقه ومات، رزقه ده بيروح؟ ولاّ يمشى يخلق واحد تانى، والتالت والرابع والألف والميه والمليون، الإسم زى ماهو قاعد، مش ده بقى عربى؟ واضح؟ ما تختشيش إنت لسه بتختشى برضه؟ مش واضح؟ واضح خالص، الإسم (الله) من حكمها البقاء الأزلى، قول أيوة، الإسم (المصور) شغّاله طوّالى شغلها، صورت ده، تمشى تصور داك، تصور ده، تصور ده، تصور ده، المحيى طوّالى يحيى ده، يحيى ده، يحيى ده، يحيى ده، الرازق يرزق ده، يرزق ده، يرزق، بالشكل ده، كل إسم قايم فى شغله، بعدين لّمن المخلوق يفنى، وجه الإسم (الله) قاعد زى ما هو (كُلُّ شَيْءٍ هَالِكٌ إِلَّاوَجْهَهُ) بقى واضح؟ ظاهر؟ (أَيْنَمَا تُوَلُّوا) فى المحسوس فى الملموس فى ألم درك، فى المعنى، فى أى شئ، ظاهر؟ على كل النواحى مافى غير وجه الله، هسّ دلوقت فى ده فيه غير وجه الله، أحمد عينك ده بتاعك ولا سوّاه ليك ربنا؟السائل (معلقاً): سواه لى ربنا ...مولانا الشيخ: من الإسم البصير، الأضان ده كده، المناخير كده، الخشم كده، مش كده، ولغاية الأخر كده، كله فعل ربنا أمال إنت فين؟ قول إنت ما فى، يقولوا الرؤساء:وما الخلق فى التمثال إلا كثلجة ... وإنت بها الماء السريع المدارالتلج أصلا كان مويه ضربته الرطوبة بتاع ريح الصبا إتعقد بقى حجر، لما ينسلخ الرطوبة يرجع المويه لأصله، مفيش تلج، بقى دُغرى؟السائل (معلقاً): واضح.