برهانيات كوم
ما حد يقدر يعرف النبى عليه الصلاة والسلام، مالم يتعّرف ليه النبى ذاته، يقولوا مشايخنا رضوان الله عليهم: (إن رمت تعرفه فلست تنصفه) واحد تانى يقول: (ونراها إذ أظهرتنا عليها) الموضوع ده مطابق عندهم كثير، ما حد يقدر يعرف النبى مالم يعرّفه النبى عليه الصلاة والسلام، نسمّى ده إيه؟ الليالى العشر أو تجليات نور النبى عليه الصلاة والسلام فى البطون العشرة، بعدين النور ده تقسّم، قسّمه ربنا جل وعلا على حتت، بعض منه خلق منه العرش والفرش والكرسى واللوح والقلم، وعالم الجبروت، شى منه خلق منه عالم الملكوت اللى هو حضرة العرش، ظاهر؟ شى منه خلق منه كذا، خلق منه كذا، أخيراً حته منه سمّوه الدرة البضاء، تجلى عليه تبارك وتعالى، ذابت بقت بحر، ذابت بقت بحر، سلّط هعلى البحر آلة الأسماء، أولاَ البحر، ما ممكن البحر يقف كده ساكت فى الهوا، خلق ملائكة، واحد يقرأ الصمدية وواحد يقرأ الصرلاة على النبى، واحد يقرأ الصمدية، وواحد يقرأ الصلاة على النبى، دايرين حوالين الأرض، ده معنى كلام مولانا سيدى عبدالسلام بن بشيش، يقول: (وفيه إرتقت الحقائق)، فى حقيقة النبى عليه الصلاة والسلام إرتقت حقائق الوجود كله، (وفيه ارتقت الحقائق) بعدين ده كان الأصل المويه، الماء، سلّط على البحر آلة الأسماء، فاحتمل البحر زبداً رابياً، الزبد نشف بقى شوية تراب، برضه عمل نفس العملية، ملك يصلى على النبى، ملك يقرأ الصمدية، ملك يقرأ الصمدية، ملك يصلى علىالنبى، حوالين الأرض كده، ثبتت الأرض للمناسبة ده، بعدين من دخان الأرض اتخلقت السماء الأولانية، عمل السموات سبعة، الأراضين سبعة، ظاهر؟ ده معنى إيه فتق الرتق، فتق، الرتق مش كده؟ فتق يعنى الفرتكة، فرتكه وعمل منه سموات سبعة وأراضين سبعة وأرياح سبعة وبحار سبعة، خلاص؟ مش كده؟ بعدين نقول احنا الصنف البشرى، كلنا مخلوقين من التراب، بهايمنا من التراب، الوحوش من التراب، بيوتنا من التراب، أشجارنا من التراب، كل ما فىالتراب تراب، كل مافى التراب تراب، لّمن ترجِّع كل أصل لأصله، مثلاً لو مسكت الصنف البشرى راح ترجِّعهم فى آدم، راح ترجِّع آدم فى التراب، مسكنا الشجر نودّيه فى التراب، مسكنا البهايم راح نودّيهم فى التراب، فكان ده واحدية مخاليق التراب من نفس التراب رجِّعناهم للتراب، خلاص؟ بعدين كمان فهمنا ضمنى إنه أصل التراب كان المويه، ودّينا التراب فى المويه، فى الماء، فى البحر يعنى، بعدين مخاليق البحر كلها كمان أصلاً من البحر، خلاص؟ واضح؟ بعدين نجيب النار، النار من الشجر، الشجر كمان من التراب بقى، خلاص؟ ده العناصر الأربعة، العناصر الأربعة ديل كان أصلهم الدُرّة، الدُرّة الأولانية اللى ذابت بقت بحر، بقى واضح؟ ده، وحدة الكون، ده وحدة الكون، مش جوّه السموات، وصلنا السموات ولاّ لآ.
