برهانيات كوم / الطريقة البرهانية
12. 1 مشروعية الذكر للنساء
السائل: طيب يا عم الشيخ معناتها من النص ده الرسول - صلى الله عليه وسلم - كان عنده أذكار؟مولانا الشيخ: أيوه.السائل: في نفس الكتاب؟مولانا الشيخ: في غير ده كمان، ياهو ده المشهور أكتر، حصل عمة النبي عليه الصلاة والسلام كان عندها حصحاص، صفية، النبي جه داخل عليها الحصحاص قدامها، قال لها: ما هذه يا عمتاه؟ قالت ليه: شيء نذكر الله بهن يا رسول الله، بعدين قال: "سبحان الله والحمد لله ولا إله إلا الله والله أكبر ولا حول ولا قوة إلا بالله العلي العظيم عدد خلق الله ورضاء نفس الله وزنة عرش الله ومداد كلمات الله"، قال لها: في الدقيقة دي أناذكرت أكتر منك، ده فيه نصين، نص إنه النساء ذاكرات، ونص إنه التضعيف اتكالا علي رحمة الله جايز، ما قال له: أنا في الدقيقة دي ذكرت أكتر منك، مش كده؟ فلذلك التضعيف جايز.السائل: الأذكار دي واردة للصحابة، وللصحابة بس يا عم الشيخ؟مولانا الشيخ: أنت قلت إيه يا بربري يا وسخ، تعال من هنا، الإمام النويي جامعه كل الأذكار اللي نطق بيه النبي عليه الصلاة والسلام للصحابة، 4 كتب كل كتاب قدر المصحف، اسمه كتاب الأذكار، اللي هو محي الدين النووي، وكل الكتاب ده مربوط في حاجة واحدة، الناس ما منتبهين، الحاجة الواحدة {نحن معاشر الأنبياء أمرنا أن نخاطب الناس علي قدر عقولهم وأن ننزلهم منازلهم} سمعت؟ بتا عده مش زى بتاع ده، بتا عده مش زى بتاع ده، نفرين في ذكر واحد ما في، واحد في ذكرين ما في بنص الحديث ده، نعرف من العملي هده أن الصحابة كلهم كانوا ذاكرين والصحابيات ذاكرات، دغري؟السائل: أيوه، يا عم الشيخ الأوراد بتاعة المشايخ مأخوذة من الأذكار دي؟مولانا الشيخ: لأ، ده لوحده.
