برهانيات كوم / الطريقة البرهانية
2. 1 الرخصة والأخذ بعزائم الأمور
السائل: في أي شيء، فيه ناس بيقولوا التخفيف في العبادات ده رحمة، مثلا في حاجة فيها نص، بيقولوا ده نصه يعني ربنا جابه، أنت عندك رخصة زى هدية من ربنا، الصوفية عكس كده، في ديل في الجانبين ديل يكونوا نص الحقيقة شنوه يا عم الشيخ؟مولانا الشيخ: ربنا ما من الشفقة فيه بعض أشياء رخصها، من الشفقة فيه بعض أشياء رخصها، هل الشيء اللي من الرخص ده مسكوا بيه الأنبياء؟ واسمهم "أولي العزم من الرسل" ليه؟ مسكوا بعزائم الأمور، مظبوط؟ وتاني قال النفس والشيطان والدنيا ديل أعداءكم، احذروهم، أنا عاوز آكل بقلاوة كيف تعرف إن ده ما دسيسة من الشيطان؟ البقلاوة مش حلال؟ البقلاوة مش حلال؟ نفسي طلبت تآكل بقلاوة، والبقلاوة فيه وأنا الفلوس معايا، أو إدوني ليه هدية، ربنا قال لينا خالفوا النفس والشيطان، شهوة النفس دي اتبعه كيف؟ الرخص معمول فعلا في الدين، مش كده؟ وورانا الأعداء، سكة الأعداء نتبعه كيف؟السائل (معلقا): إلا بمخالفة النفس.مولانا الشيخ: من حيث مخالفة النفس ترك الرخص بقي واجب، ما فهمتوا؟ من حيث إنه النفس والشيطان والهوى أعدائك مخالفتهم بقي واجب عليك، أكل السحلية ما جايز، ليه ما بتاكله؟السائل (معلقا): النفس ما ديره، النفس ما بتاكله.مولانا الشيخ: جمعة؟ تاكل غريبة (1) بالسمسم؟ مادام ورانا الأعداء وإتباعهم منوع، شهوة النفس ممنوع، عشان كدة ياخدوا بالعزايم.السائل: ما في صوفي يتبع الرخص يا عم الشيخ، ما في صوفي بيفتش للرخص أبدا؟مولانا الشيخ: ما في، حصل واحد صوفي نص النهار خبط بيت، باب بيت نضيف، صاحبه الظاهر عليه من الأغنياء خبط بابه، جات جارية، خادمة، قالها أديني شوية مويه، تلاقي في بيوت الرؤساء اللي زي ديل بيبخروا المويه ويبردوه بالقلل وبكلام زى كده, بأزيار، جابت له مويه مزعفربارد حلو زكي، مدت ليه كده، داك مد إيده عشان ياخده، الخادمة قالت إيه؟ أري الرجل عليه آثار الصوفية ويشرب نهارا؟ يا سلام قوم جيبوا العصاية؟ اري الرجل عليه آثار الصوفية ويشرب نهارا؟ كسرت الكوباية وفاتت، الراجل حلف طلاق إن طول عمره ما يشرب مويه في النهار، إتعظ بكلمة الجارية دي طول عمره, أري الرجل عليه آثار الصوفية ويشرب نهارا يعني ما مجتهد.السائل (معلقا): هي الجارية ذاتها ما ساهلة.مولانا الشيخ: الجارية ذاتها بنت ستين.
__________(1) نوع من الكعك
__________(1) نوع من الكعك
