برهانيات كوم / الطريقة البرهانية
2. 3 أصناف السحر
السائل: المنطقة أو الكوكب ده. . . . بالسحر، السحر؟مولانا الشيخ: شنوه؟السائل: ربط العالم العلوي بالسفلي يا عم الشيخ؟مولانا الشيخ: آه.السائل: قلنا بالنسبة للكواكب ده بالسحر؟مولانا الشيخ: لا لأ المكر أول.السائل: بعدين السحر؟مولانا الشيخ: بعدين السحر اطلاع علي الجن، ومن الجن كمان اللي خادمهم (ميمون أبارون) أسود وبيلبس أسود وحصينهم سود.السائل (معلقا): اليوم داك كان بيشرحوا قالوا السحر بالنسبة للإنس أصله ما معروف، تعلمه الإنسان من الملائكة، قالوا السحر جه للإنسان من الملائكة، الإنسان ما بيعرف السحر، أول من علم الإنسان السحر الملائكة، من الآية {ما أنزل علي الملكين ببابل هاروت وماروت} (1) يعلمان الناس السحر، وقالوا السحر أساسا ما بيعرفه الإنسان إلا بعد نزول الملائكة، نزل من الملكين ديل السحر يا عم الشيخ، يعلموا السحر؟مولانا الشيخ: السحر ذاته في؟السائل (معلقا): أيوه يا عم الشيخ.
مولانا الشيخ: السحر أربع أصناف: صنفين مكفرات، وصنين زى بعضهم حكمه بتأثيره، إذا ضر تحكم بإنه حرام، إذا ما ضر تحكم بإنه مباح، السحرين اللي ما لهم حكم لغاية ما يحصل فايدته أو ضرره، سحرة سيدنا موسي {سحروا أعين الناس واسترهبوهم وجاءوا بسحر عضيم} (1) قول واحد {فإذا حبالهم وعصيهم يخيل إليه من سحرهم أنها تسعي} (2) ده بيسموه سحر الخنقطيرة سحر الخنقطيرة والخنقطيرة ده قسم، غالبا بيستعملوه الحلبة، واحد يعمل رياضة مقدم علي القسم ده، يدوس العصاية يطلع ليك لبن، يطلع ليك عسل، ده اسمه سحر التخيل، ده اسمه سحر الإسترهاب {سحروا أعين الناس واسترهبوهم وجاءوا بسحر عظيم}، {فإذا حبالهم وعصيهم يخيل إليه من سحرهم أنها تسعي}.السائل (معلقا): تخيل ساكت؟مولانا الشيخ: تخيل خلاص؟ بعدين فيه سحرين مكفرات {وما كفر سليمان ولكن الشياطين كفروا يعلمون الناس السحر} (1) ده واحد، اليهود كانوا يقابلوا الجن ياخدوا منهم أسحار، سيدنا سليمان بعد ما عرض الجيوش قال {إني أحببت حب الخير عن ذكر ربي} (2) اللي هو استعراض الديش (3) {أحببت حب الخير عن ذكر ربي حتى توارت} الشمس {بالحجاب} هو كان فاته صلاة العصر، ما صلي العصر الشمس قربت تغيب كورك {ردوها علي} (4) أنا ما صليت العصر {ردوها علي} قالوا له الشمس تدخل الساعة 6، صلي بعضه في الضي وبعضه بعد ما غاب الشمس، زعل، همم عالية خالص، عمل أوضة من مرمر وقفله، مرمر ده حجر لكنه زي القزاز (5) اللي جوه يشوف اللي بره واللي بره ما يشوفش اللي جوه، اسمه المرمر، قال أنا حأقضي عمري كله هنا هو وقف، عزرائيل جه داخل عليه قال له أنت دخلت كيف يا أخي؟ قال له أنا ما يحجبني حاجة أنا عزرائيل، جاي ليه؟ جاي أشيل روحك، يا أخي أنا عايز أقضي بعض عمري عبادة هنا، قال له أنا جيت أشيل روحك ما في كلام، ربنا أمرني ببناء بيت المقدس وأنا سلطت الجن عشان يشتغلوا فيه وشغالين هسه، انتظرني لغاية ما يبنوه، قال له مين يقدر يعصي ربنا، ربنا قال لي جيب روحك أنا مالي، وقف في الركن كده، عمل عصايته كده، 41 سنة واقف والجن يشتغلوا، ربنا عاوز يريح الجن، مش كده؟ {ما دلهم علي موته إلا دابة الأرض} (6) الأرضة (7) {تأكل منسأته} 71 عصايته {فلما خر تبينت الجن} 71 قالوا لو كنا نعلم الغيب لما لبسنا في العذاب المهين، اليهود بيتعلموا من الجن الأسحار، دسوه تحت كرسي سيدنا سليمان في المملكة هناك في القصر، ربنا حكاه للنبي عليه الصلاة والسلام {وما كفر سليمان ولكن الشياطين كفروا يعلمون الناس السحر} ده مش صنف؟ {وما أنزل علي الملكين} جملة تانية، صنف تاني اللي هو {ببابل هاروت وماروت ومايعلمان من أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزجه} ده هو بتاع الملكين بس، وكلهم {إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق} (1) أربع أصناف، السحر موجود، وبعدين فيه عروق، فيه طلاسم، فيه أحجار.السائل (معلقا): أشكال كتيرة، أشكال كتيرة من السحر.مولانا الشيخ: كتير جدا أصناف السحر.السائل: {وما هم بضارين به من أحد إلا بإذن الله} (2) في الكلام ده يا عم الشيخ، {وما هم بضارين به من أحد إلا بإذن الله}؟مولانا الشيخ: آه إذن الله ما حصل.السائل: كيف يا عم الشيخ؟مولانا الشيخ: إذن الله ما سابقا حاصل أنت بتعلمه كيف؟ هنا فيه قبيلة اسمم برروا، البقار بتاعم يسرحوا، في عروق بيختوه في قفة، العجل ما ترضع أمه لغاية ما يشيلوا العروق ده من القفة، واحد عاوز يسرق، يرجع مفيش أي حاجة والبقار راقدين.السائل (معلقا): ديل فلاتة.مولانا الشيخ: أيوه ما يشيل ليه غنماية ما ينزل من كتفه إلا يجيبوه في محله.السائل (معلقا): إن قرر، كان قرر يشيلوها.مولانا الشيخ: وكل ده ما سحر؟ أمال {قل أعوذ برب الفلق} (3) كيف؟ ده كمان العقد، عثمان {من شر النفاثات في العقد - ومن شر حاسد} (4) بتاع العين كل ده ما سحر؟ قوموا قوموا قصتكم بقت هزار ولا كويس كده؟السائل (معلقا): كويس كده يا عم الشيخ.
درس جديدمولانا الشيخ: لغاية ما يصفي كله كله.
درس جديدمولانا الشيخ: لغاية ما يصفي كله كله.
