برهانيات كوم / الطريقة البرهانية
5. 2 معني {إنما أمره إذا أراد شيئا} (1)
السائل: الزول العارف يا عم الشيخ، هي إرادة ربنا، حاجة زى التربية يا عم الشيخ، بواسطة أو بدون واسطة للزول العارف يا عم الشيخ؟مولانا الشيخ: أنت يلزمك علقة، {إنما أمره} الإدارة، المشيئة، بعدين {كن}، {كن} ده موطن الأسماء كلها، {كن} موطن الأسماء كلها، خلاص؟ وربنا مش يقول محمد يلد ولد كن، محمد يلد ولدين كونين، مجذوب يلد بت كن، ده شغل البنايين، جيب طوب جيب مونة يبنوا السراية، ربنا قال {كهيعص} في البداية مرة واحدة، {كن} ده الوجود شغال فيه و {كن} ما خلص والخلق ماشي، أنت غلطان كتير، مش أي حاجة {كن} لأ, يقولوا المشايخ:البحر بحر علي من كان من قدم ... إن الظواهر والأغيار أغيارولا أقول بتكرار الوجود ولا ... عود التجلي فما في الأمر تكرار (1)أنت مجنون ولا قريب من المجنون؟ سليمان:البحر بحر علي من كان من قدم ... إن الظواهر والأغيار أغيارولا أقول بتكرار الوجود، كن كن كن ما في, كن واحد بس، ولا عود التجلي فما في الأمر تكرار.السائل: وجود ديل يا عم الشيخ من {كن} الأولي بس؟مولانا الشيخ: بس مرة واحدة.السائل: اللي هي الأسماء الإلهية؟مولانا الشيخ: اللي هي الأسماء، طلعت الأسماء الإلهية من {كهيعص}، جاء لدائرة الوجود بقي، ده أبيض ده أخضر ده أسود ده طويل ده شجر ده بهيم وكده، وماشي، مفيش أمر فيهم التكرار، جيب مويه يعني جيب مويه وخلصنا، جيب مويه جيب مويه جيب مويه جيب.السائل: الأسماء دي كلها من أمر واحد، في الأسماء يا عم الشيخ، يعني كان لابد من الأسماء عشان إيجاد الوجود يا عم الشيخ، ربنا سبحانه وتعالي عشان ما يوجد الوجود ويسير الوجود كان لايد من الأسماء دي؟مولانا الشيخ: الأسماء، الأسماء من الجود مش مجبور عليه، أهو كده "عاين زولك"، ظهر الوجود من الجود، كرم ساكت.السائل: بعدين ممكن تصرف بيه الأولياء يا مولانا، بعدين يا عم الشيخ الوجود ذاته الحاجة اللي بيسووها دي. . . .، فهل يا عم الشيخ فيه ناس بيقبضوا تعليمات يوميا يعملوا بيها، ولا الحاجة اللي عاوز يعملها هو بيعملها يا عم الشيخ. . . .؟__________(1) ديوان النابلسيمولانا الشيخ: لا ما الأمر بينزل علي الرئيس، الأمر بينزل علي الرئيس من النبي عليه الصلاة والسلام، تصاريف الشئون عند الأولياء، الأمر من النبي عليه الصلاة والسلام بينزل عند الرئيس اللي هو الغوث، التصاريف بيقسمه علي الأولياء، أنت اعمل كده، أنت اعمل كده، أنت اعمل، وهو قاعد كده زى قعادي ده، يتكلم في لندن، أنت اعمل كده كده كده يا الشيخ الفلاني ياللي في لندن.السائل: تعليمات من الرئيس للأولياء؟مولانا الشيخ: من النبي للرئيس.
