برهانيات كوم / الطريقة البرهانية
8. 5 قصة سيدي إبراهيم الدسوقي مع الملك
السائل: الموطن اللي هو سيدي إبراهيم أخذ سيدي عبد العزيز وستنا فاطمة الشاذلية وراح بيهم السماء، دايما أي حاجة من دي بتكون ليها سبب يعني؟مولانا الشيخ: السبب ولا الموطن.السائل: السبب إيه الأول يعني؟مولانا الشيخ: السبب، الملك ماشي كده في شارع عبد العزيز قاطع كده، الملك جاه بالعساكر قال له: أنت ما شايف أنا جاي بالموكب، كيف تقطع الشارع؟ اطلع من البلد ده، بعدين مشي يربط في العفش عشان يطلع من البلد، سيدي إبراهيم جه، ولد صغير عمره 4 سنين 5 سنين، حاجة زى ده، ما لكم بتلخبطوا البيت ليه؟ الملك أمرنا بالخروج من البلد، راح للملك، خت ايده كده، قال له: أنت أمرت أبوي يطلع من البلد؟ - الملك كان من الأولياء عنده بصيرة – أنت أمرت أبوي يطلع من البلد؟ قال له: لأ، أنت أمرت أبوي يطلع من البلد؟ قال له: لأ، أنت أمرت أبوي يطلع من البلد؟ قال له: لأ، قال له: احلف، حلف ليه 3 مرات، جه لأبوه، قال له: أنا رحت للملك قلت له كده كده كده قال كده كده، قال له: يا ولدي مين يصدقك والملك بيستنضف كلامك؟ قال له: ياللا ورايا وأنا أمشي أسمعك، ساق أبوه وجه للملك، قال له: يا سعادة الملك أنت قلت لي إيه؟ قال له: قلت لك كده كده كده يعني أبوي ما يطلع من البلد؟ قال له: ما يطلع، قال له: يا ولد أنت عايز إيه؟ طالب منك جزيرة، إذا اديتنا الجزيرة بيكفى المريدين – هو الله كريم – إذا اديتنا الجزيرة بتكفي، قال له: روح جده، الوزراء بيسألوا الملك بيقولوا له أنت الولد الصعايدة ده، أنت حلفت للراجل ده إنه يطلع من البلد وتقول أنا ما أمرته – اتراك طبعا – قال لهم: انتوا عارفين الولد ده خات إيده فين؟ قالوا: خاته في قورته (1)، قال: لأ أنا من الأولياء، الولد خات إيده فوق اسمي في اللوح المحفوظ إذا أقول أيوه عاوز يشطبني، ولد صغير، ولد صغير زى ده يشطبك من ديوان الأولياء؟ قال لهم: أيوه، أنا أكفر أصوم ستين يوم سبعين يوم.السائل: أسهل ليه، أحسن ليه؟
مولانا الشيخ: أيوه. . . . بعدين مشي قعد، أمه لمت الدقيق اللي عندها عاوزه تعمل كرامة (1)، عجنته في الماجور (2) هو واقف بره قال هوري يا جداد الحلة تعالوا أكلوا العجين ده، كل جداد الحلة جه أكلوه وأكلوا العجين خلصوه، هي راحت عشان تجيب النساوين عشان يخبزوا معاها، جات لقت العجين ما في، العجين وما العجين يا ولد أنت عملت إيه جبت الجداد أكلته العجين وأنا هسه أروح جبت النساوين.
مولانا الشيخ: أيوه. . . . بعدين مشي قعد، أمه لمت الدقيق اللي عندها عاوزه تعمل كرامة (1)، عجنته في الماجور (2) هو واقف بره قال هوري يا جداد الحلة تعالوا أكلوا العجين ده، كل جداد الحلة جه أكلوه وأكلوا العجين خلصوه، هي راحت عشان تجيب النساوين عشان يخبزوا معاها، جات لقت العجين ما في، العجين وما العجين يا ولد أنت عملت إيه جبت الجداد أكلته العجين وأنا هسه أروح جبت النساوين.
