برهانيات كوم / الطريقة البرهانية
{الوجه الثاني}
9. 1 المجاذيب وحديث {من بات دون بيعة}السائل: طبعا دي الزول ما عنده كلمة أنا ذاتي بطلته غايتو،. . . . ولا دي شغلته؟مولانا الشيخ: متأثرين خالص، هو ما قادر يحب أولاد الطريقة عشان إيه؟السائل (معلقا): ما بقدر أقابلهم يا عم الشيخ.سائل آخر (معلقا): ما بقدر أقابلهم، إن الزول كان في حاله وجاء سقط في مكره.السائل (معلقا): فيه سؤال طرقته قبل شوية هنا.مولانا الشيخ: أيوه.السائل: بتاع إنه أي ولي إذا توفي، ما يتعين زول في محله، أنا. . . . إنه البلد دي، العملية دي يا عم الشيخ راجعه كده طوالي يعني بعد. . . .؟مولانا الشيخ: لا ما كده، ما كده ولا ممكن يكون، قول لي ليه؟ لما نقول أنت صاحب الدرك ده مثلا، لما يقرب عمرك الرئيس يقول ليك نقي واحد من ناس البلد ديل، نقيت فلان، تيجي في الرؤيا تدرسه، الموضوع الفلاني بيعملوه كده يعملوه كده يعملوه كده يعملوه كده، ياخد منك تدريس شهر وشهرين وثلاثة ولا أكتر ولا أقل، بعد ما درسته كويس أنت تموت وهو يستلم محلك، سمعت؟ ده النظام الرسمي، الحديث {من بات دون بيعة} (2) إذا مات مات موتة الجاهلية، لابد من البيعة للرئيس بتاع الزمن، إذا في الباطن أو في الظاهر واحد، النبي عليه الصلاة والسلام بيتكلم كلام غريب خالص {من بات دون بيعة} إذا مات مات موتة الجاهلية، ده حديث، لابد أنت تسلم اللي أنت علمته وحتى تموت أنت ولا ما يخلوك تموت.السائل: طيب التسليم يا عم الشيخ حيكون جوهري يعني؟مولانا الشيخ: لا جوه جوه، ما بيجيلك في الرؤيا، أنت بتمشي له في الرؤيا تدرسه، السماكة ديل يعملوا لهم كده، التجار ديل يعملوا لهم كده، السوق ده يعملوا لهم كده الفلان الفلان الفلان، كأنك شيخ السوق، درسته فهم بعد ما سلمته اشتغل زى شهر، شهر ونص، شهرين بعد كده إذا عايز تموت موت، خلاص؟ ده السير الأصلي الجد جد، ليه؟ {قل اللهم مالك الملك} (1) يوضح ده {قل اللهم مالك الملك} الملك كله لله، ظاهر؟ إيه الملك؟ السماوات السبع، الأرياح السبع، البحار السبع، الأراضين السبع ومن فيهن، الملك كله لله، جيب الجديد والقديم كده {قل اللهم مالك الملك تؤتي الملك من تشاء} ده، مش كده؟ الرئيس الأول إدوا له 100 سنة، 50 سنة، 70 سنة، زمنه خلص، زمنه خلص الرئيس الأول، زمنه خلص، لما خلص يقولوا له سلم الأمانة للجاي ده، أبي يسلم يدوا له 3 إنذارات، قد يكون الإنذار يوم، قد يكون شهر، قد يكون سنة، قد يكون 30 سنة، واقع الحال كده، أدوا له الإنذارات التلاتة، لمن ما سم ينزعوه {قل اللهم مالك الملك تؤتي الملك من تشاء وتنزع الملك ممن تشاء} 13 اللي هو القديم {تنزع الملك ممن تشاء وتعز من تشاء} ده العزة لله {ولرسوله وللمؤمنين} (2) ده أوله، تعز من تشاء وتذل من تشاء ده {تخرج الحي من الميت} (3) ده كان في روحه روح القدس، اللي هو مادة الحياة في كل الوجود، أنا بقول روح القدس اللي عليه مادة الحياة في كل الوجود، خلاص؟ {تخرج الحي من الميت} ده ما ميت خلاص {تخرج الميت من الحي} يشيلوا من ده الجلابية، جسم الجلابية يلبسوا فيه ده {تولج الليل في النهار} للخواجة التاني، إحنا وسخنا.السائل (معلقا): واضح يا عم الشيخ.مولانا الشيخ: واضح إيه جتك داهية، سمعت؟ {تولج الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب} (1) زى سيدنا سليمان {هذا عطاؤنا فامنن} (2) علي من شئت أو أمسكه عليك كمان بغير حساب، ده إذا كان ده الرئيس، الباقين مش من باب أولي؟ ده نظام يمشي علي الكل، عاوز تموت تسلم ده وتدرسه وتمتحنه إذا قدر يشتغل يشتغل ما قدر يشتغل تقول أنا ما دايره ده ما نافع، كوس ليك واحد تاني (3) جبنا ده، جبنا ده، لغاية ما يجي واحد تدرسه، هنا في السودان ده حصل حكاية زى ده،
