علموا عنى : المعية وإدراك التجلى الإلهى

برهانيات كوم / الطريقة البرهانية 

المعية وإدراك التجلى الإلهى

السائل : المعية يا عم الشيخ هى خلع التشريف دى ؟مولانا الشيخ : المعية ؟ لا , يعنى معاه كده , خلع التشريف هو موطن (سلام قولا من رب رحيم ) ودى فى سورة يس ولا سورة الصافات .السائل : حتى السلامات التانية يا عم الشيخ ؟سائل آخر : طيب ياعم الشيخ ذكر القلب فى معية سيدنا النبى ... يعنى المريد لما يترقى , بياخد المعية ؟مولانا الشيخ : ياخد معية إيه ؟ مافيش معية , بس بيضفوه عليه , زى إضافة مية الكوز ده للبحر , المعية معناه معاك طوالى كده , وين ده ؟السائل : فيه زول يا مولانا كده , فيه زول كده طوالى فى معية ؟مولانا الشيخ : جداً ..... والسيد إبراهيم , النبى كمان كده : فنحن معه ومعنا حقيقة على كل حال ذاك شرق ومغرب لمّن واحد يكون عاوز يروح لزوجته يستأذن .السائل : يا عم الشيخ يكون فى ترقى طوالى يا عم الشيخ , دائماً فى ترقى ؟مولانا الشيخ : طوالى لمن يبقى كديس , ليله ونهاره واحد , انتوا ما عارفين الكديس أظن , زى ما بيشوف بالنهار بيشوفغ بالليل , كديس .السائل : فى الظلمة وفى النهار كله واحد ؟مولانا الشيخ : كله واحد .السائل : زى بتاع بتاع , المحل بتاع الأغذية ....... ده واد كويس ؟مولانا الشيخ : قلت ليهُ كده .السائل : عم الشيخ : حضور إذا غبنا وغيب حضورنا ** وذا عجب فلعجب المتعجب  , كيف يكون كده ؟ كيف ؟مولانا الشيخ : يعنى لما أنا أكون مافى ألقى التجليات الإلهية , إذا أنا فيه ما ألقاش , حضور إذا غبنا وغيب حضورنا , الحكاية عجيبة جداً , وذا عجب فلعجب المتعجب : ويسجد للنور المقدس قلبنا ** ويرفع إن أذن الجناب المحجب .السائل : وطيب المعية دى يا عم الشيخ بتكون كيف ؟ المعية بتكون كيف ؟ مولانا الشيخ : فنحن معه وهو معنا حقيقة ** على كل حال ذاك شرق ... النبى فى الشرق وانا فى الغرب معايا طوالى .السائل : واعى يا عم الشيخ , ولا ما حسى بالوجود ذاته , الحتة دى واعيها إنه ما قاعد مع الرسول صلى الله عليه وسلم ؟مولانا الشيخ : إذا ما واعى قاله كيف ؟ السكة مفتوحة طوالى لأى واحد سارى زى ما بيقولوا :سريت ولا رد هناك ولا منع ** .................................يعنى الاتنين .............................** إلى أن تساوى عندى الأصل والفرع .السائل : يعنى ايه يا عم الشيخ تساوى عن الأصل والفرع ؟مولانا الشيخ : ما عربى واضح , أنت مش فرع ؟السائل : معناه كده ...... عمل وبس ...... عمل يلتزم بيه , واحد ....... ينجز عمل بره مافى , أى عمل ........ عم الشيخ أى عمل بيعملوه سوا يا عم الشيخ ولا ؟مولانا الشيخ : اللى يلقى المعية ما بيغيب عنه ثانية , انتوا ... من المعية ليه ؟ الإلتباس ما أعجب .السائل : نعم ؟مولانا الشيخ : الإلتباس ما أعجب .السائل : لبسونا أو لبسناهم , كيف يا عم الشيخ ؟مولانا الشيخ : خش هنا وإن لم تجوز برؤية اثنين واحد ** إياك ولم يثبت لبعد تشتتأجبريل قل لى كان دحية إذا بدى ** لمولد الهدى فى هيئة بشرية أنا هسع ما واحد , الحاصل فيه روح وجسد اتنين اتنين فى واحد .السائل : هسع الشكل ده بيكون على الدوام يا عم الشيخ , الإلتباس ده على الدوام ولا برضه الموطن فيه الحال كده ؟مولانا الشيخ : لأ على الدوام , وقد يكون يعنى مرة مرة .السائل : أنا من أهوى ومن أهوى أنا , معناه يا عم الشيخ ؟مولانا الشيخ : ده الإلتباس .السائل : ده الإلتباس ... يعنى ده اللى أنا بحبه ؟مولانا الشيخ : واللى بحبه أنا السائل : الرسول صلى الله عليه وسلم ..... بيقول ( لى ساعة مع ربى لا يسعنى فيها غيره ) فى المعية ياعم الشيخ بيكون فيه تنزل بيجى من ديل ... وهناك برضه قاعد ....؟مولانا الشيخ : أيوه لا , لا يسوقهم ويخليهم لغايته , الحالة ما بكون زى الدايرة , أولها لا يزال آخرها , السيد أحمد عربى الشرنوبى قال لسيدى إبراهيم ورينى مرتبتك ؟ ورى له .السائل : قال كيف ؟مولانا الشيخ : قال , إن قلت رب , يقول عبد أو قلت عبد يقول لا لا , عندهم مراتب مجهولة .السائل : يا وزيرى يكفيك من سر سرى ** حول ربعى فى الليل ذكر الطيور مولانا الشيخ : أبيت , ولاّ أقول ؟ فيه 70 ألف ملك كل ليلة ينزلوا فى الروضة , بكره يروحوا سيدنا الحسين , بكره يمشوا أم بكول , بس كده , ولاّ زرازير ؟السائل : الله أكبر ؟مولانا الشيخ : الله أكبر ... ناس ما ناس , لابسين جونيات ساكت أه أيوه .