برهانيات كوم / الطريقة البرهانية
السائل: ياريتك لو تسجل لينا الحديث داك لو برضه مسجل يكون كويس؟
مولانا الشيخ: كويس، الحديث بيقول، مش حديث، نزلت قوله تعالى {وما من دابة فى الأرض} {إلا هو اخذ بناصيتها إن ربى على صراط مستقيم { النبى خط خط كبير، خت جنب منه خطوط كده وكده وكده وكده وكده وهو يقول (افترقت بنى إسرائيل على اثنتين وسبعون شعبة وستفترق أمتى على ثلاثٍ وسبعين) 61 وهو بيعمل فى الخطوط، قالوا، من الناجى يارسول الله؟ قال: (من كان على ماكنت عليه أنا وأصحابى) وتانى تلى (لتبلون كما ابتلى الذين من قبلكم قدما بقدم شبرا بشبر حذو النعل بالنعل حتى إذا ما دخلوا جحر ضب لدخلتموه) نزل قوله تعالى {قل هذه سبيلى} 62، {فاتبعوه ولا تتبعوا السبل} 63 السبل اللى بيجاى وبيجاى {فتفرق بكم عن سبيلى} النبى عليه الصلاة والسلام بيوضح إيه السكة الطويل ده، ده الصراط المستقيم بتاع ربنا، بيوصف كده و {وما من دابة فى الأرض إلا هو اخذ بناصيتها إن ربى على صراط مستقيم} قال الحديث داك، وضح إنه (افترقت بنى إسرائيل على اثنتين وسبعون شعبة وستفترق أمتى على ثلاثٍ وسبعين) يكون المعنى إيه؟ شوف المسلمين إذا فيه حد منهم بيعمل أعمال اليهود، الحديث ده بيطابق عليه، وإذا ما بيعمل الحديث وارد فى اليهود، الحديث وارد فى مين؟ فى اليهود، مش شغلنا احنا باليهود، اليهود حصل اتهموا سيدنا موسى بإنه زانى، اتهموه بإنه أبرص، اتهموا سيدنا عيسى قالوا ابن زنا، شقوا سيدنا يحى نصين، فيه حد بيعمل كده من المسلمين؟ الحديث ده مش ما مطابق مع المسلمين، وارد مع اليهود، الوهابية بيعملوا غرايب واحد قال لى (لعن الله اليهود جعلوا قبور أنبيائهم مساجد) أورده الإمام القرطبى فى تفسيره برواية (افترقت بنو إسرائيل على إحدى وسبعين شعبة وافترقت النصارى على اثنتين وسبعين شعبة وستفترق أمتى على ثلاث وسبعين) ديل يهود احنا ما يهود احنا مسلمين برانا، قال لى هه؟ الحديث ده وارد لليهود مش للمسلمين، جيب حديث زى ده فى المسلمين، قال ما فى، قلت ليه ُ ده بتاع اليهود، احنا مش يهود، سمعت؟السائل: يعنى هسع 73 من الفرق دى فى المسلمين، 73 من الفرق دى من المسلمين؟مولانا الشيخ: من المسلمين من المسلمين من المسلمين لكن بشرط انهم يعملوا أعمال اليهود.السائل: الفرق ذاتها تشبه الفرق دى؟مولانا الشيخ: أيوه، إذا لقيت واحد من المسلمين تدخله فى ال73إذا عنده خصائص زى داك، وإلا مافى، لما نقول عثمان يشبه الأمين مش معناه عثمان يشبه الأمين؟ مش كده بعدين 73 فرقة، ظاهر؟ الشيعة هسع كم؟السائل (معلقاً): براهم يتموا ال73.مولانا الشيخ: براهم يتموا ال73، ظاهر؟ الخوارج كم؟ هسه فاتوا ال73، والتلاته وسبعين4مرات، الخوارج كم؟ المعتزلة كم؟ سمعت؟ أهل الفرق الضالة كم؟ اللى عاوز يعرف ده يقرأ كتب مخصوصة اسمه "الملل والنحل "واحد بتاع الشهرستانى، واحد بتاع ابن حزم الظاهرى، واحد بتاع سيدى عبد القادر الجيلانى اسمه الغنية، واحد تانى بتاع، بتاع الواسطى، الواسطى، الكتب ده بيفسر ال73فرقة ديل، بعدين المعنى، المعنى إنه النور المبين اللى أصله جاى من ربنا لهداية المسلمين هو سكة النبى ده{قل هذه سبيلى} مش بتاع ربنا، مش كده الآية؟ {قل هذه سبيلى}، {فاتبعوه ولا تتبعوا السبل} اللى بجاى واللى بجاى، ايه السبل اللى بجاى واللى بجاى، أى دين جه صحيح، أى دين جه صحيح، أول ما الدين ده يندرس بطول الزمن، يجى نبى تانى عشان يصلحه، نبى يجى بدين تانى، الشيطان يقف باسم الدين داك، فى الموطن داك، يقول قولوا: مش راح نتبع إلا ما ألفينا عليه آباؤنا، مش كده سيدنا نوح نفس الشىء، سيدنا إبراهيم نفس الشىء، بالشكل ده لغاية سيدنا عيسى، النبى لما ظهر قال: ده التوحيد ده كده كده كده، قالوا لن نتبع إلا ما ألفينا عليه آباؤنا، مش دين سيدنا عيسى صحيح؟ دين سيدنا عيسى اندرس، جه إبليس وقف باسم النصارى، مش بدين النصارى، باسم النصارى، ده معنى الحديث، ده معنى الآيتين، آيتين وحديثين فى الخصوص ده، والمثال مضروب باليهود.السائل: ......... يقول ال73ديل ناس الطرق؟مولانا الشيخ: هم يقولوا ناس الطرق، طيب، عِدَّوهم ناس الطرق، ناس الطرق أربعة، كده جيبوا الباقين هم يقولوا ناس الطرق والمذاهب، ناس المذاهب كمان أربعة، جيبوا الباقيين مافى.السائل: يعنى ينطبق الحديث والآيات على كل من يخالف الشريعة؟مولانا الشيخ: كل من يخالف دين النبى بالضبط، مش الشريعة بس،
