علموا عنى : اسرار واشارات قصة سيدنا يوسف الدرس الرابع

برهانيات كوم 

مولانا الشيخ: الملك كناية عن الحضرة الإلهية مستغني عن كل من سواه، الملككناية عن الحضرة الإلهية،) إن الله اشترى (ولّا باع؟السائل (معلقاً): اشترى.مولانا الشيخ: اشترى وبيشتري، أهو بيشتري زى ما داير، شراء غنى) بثمن بخس دراهم معدودة وكانوا فيه من الزاهدين (ما دايره يعني خلاص؟ بعدين قال لمرته امسكى الولد ده، المرة ده كنايه عن الدنيا، كناية عن الدنيا بيشاغل المريدين، كناية عن الدنيا بتشاغل المريدين، المريد لمّا يكون صادق الدنيا بتتعبه، بعدين فضل قاعد، تعشقت بيهُ الدنيا، لقت عزمه شديد جدا، تعشقت بيه ُالدنيا، فضل، فضلت تراوده، تراوده، تراوده، تراوده، تراوده، هو ما قابل، ما قابل، ما قابل، ما قابل، أخيرا لغاية ما) همت به وهم بها لولا أن رأى برهان ربه (الكلام ده واضح جلى، لكن فيه محل نقاش دقيق شوية، همت هى بالأول وهى جميله جداً، والراجل مع راجلتها، وبتاكل كويس وجميلة خالص، والولد جميل جداً فضلوا يتلاووا، يتلاووا، يتلاودوا، ده يجر وده يجر وده يجر وده يجر أهل التفاسير قالوا: زليخة عندها صنم جوّه البيت، لّمن شافت ده همته قايم خالص، وده همته قامت جداً، شالت ليه فوطة قال وغطت وش الصنم بتاعه قال لها: دى ايه؟ قالت ليه: دى الإله بتاعى أنا ما عايزه الإله ده يشوفنى على الحاله دى، التفاسير يقولوا كده، إلهك بتاع الحجر ده، أنا إلهى إله العالمين، يأخى أنت إلهك حجر، التفاسير قالوا كده، التفاسير قالوا كده.الصوفية قالوا: لا، قالوا) ولقد همت (بعض التفاسير كمان قالوا: همت هي، هو هم بالأربع، ده كلام هزار ساكت، واقع الحال هى همت مِيَّهْ المِيَّهْ، ظاهر؟وهو من شدة جمالها، وده ولد صبى ذكره انتعظ، لّمن انتعظ جه سيدنا يعقوب وقف ليه في الأوضه، اللى هو ايه؟ اللى هو) برهان ربه (،) ولقد همت به وهم بها لولا أن رأى برهان ربه (هو شاف سيدنا يعقوب طبعا، همته كلها راحت وجرى، هى مسكته من وراء، شقت الهدوم وبرضه جرى، وهو جاري، لقى العزيز في الباب، قامت زليخه بمعنى الدنيا قال للعزيز اللى هو بمعنى الحضرات الإلهية) ما جزاء من أراد بأهلك سوءاً (وبعدين قال ليه: إيه حصل؟قالت: الولد ده طلبنى وكده وجرى وراى، وكده، وكده، وكده، ابن أختها،ابن أخت زليخه، ولد صغير عمر7 أشهر، 8 أشهر راقد، سيدنا يوسف زنّتمعاه قال: اسأل الولد، ولد ابن 7 أشهر مابيتكلمش، اسألوا الولد، قام الولد على حيله، قال) إن كان قميصه قد من قبل فصدقت وهو من الكاذبين وإن كان قميصه قد من دبر فكذبت وهو من الصادقين (إذا كان الجلابية مقدود من وراء، سيدنا يوسف صادق ودى كذابة، وإن الجلابية مقدوده من قدام هي صادقه وده كذاب، الملك عاين للجلابية لقاه مشروط من وراء) قال إنه من كيدكن إن كيدكن عظيم (ما خلاص ما الطيب قال: حي علي الصلاة. . . . او ع يكون الهزار ده مكتوب كمان.السائل (معلقاً): لا .. لا