برهانيات كوم
الأولاد لمن مشوا بلغوا أبوهم، شالوا القميص بتاع سيدنا يوسف لوثوة في الدم بتاع الجمل، ما دبحوا الجمل أكلوه، شووه وأكلوه، دبحوا الجمل، شووه وأكلوه، بعدين شالوا له الدم، ده الدم الكذب اللي ربنا بيقول) بدم كذب (قالوا لأبوهم الديب ده ومكتفين الديب سايقينه معاهم، مكتفين الديب سايقينه معاهم، سيدنا يعقوب لمن قالوا له) إنا ذهبنا نستبق وتركنا يوسف عند متاعنا فأكله الذئب (من جوّه جوّه سأل الديب، يا ديب انت، ده نبي جوّاه أنبياء كتير، انت أكلته كيف؟ ده نبي جوّاه أنبياء كتيرين، انت أكلت الولد ده إزاي؟قال له يا رسول الله: انت عارف إنه نبي ومن حكم ربنا جوّاه أنبياء، ده بيتاكل لىّ كيف؟ قال له: إحنا ما أنبياء ولكن ما ياهو، إحنا أنبياء، ما نسمح إلا بحاجة مقبوضة في الايد، تنوير بتاع جوة جوة ده، ده الناس اللى ورانا، الأولياء ديل يسمعوه، إحنا عاوزين حاجه نمسكها بيدنا، قال له: إسمع، قال له: احنا عاوزين نص، قال له بِلّ الجلابية ده، قال لبنيامين جيب مويه، بل الجلابية، بلّه، فرده، بلّه، بلّاه، بلّه، بلّاه، لامَن طرت، بقت طرية، فتح الجلابية لقى الجلابية سالمة، قال لأولاده تعالوا، الديب ده كان عايز الجلابية ده؟ قالوا له: ليه؟ (الديب لّمن عايز ياكله الولد مش يشرط الجلابيه في الأول)؟ قالوا له: أيوه؟ طيب الجلابية ده سالم، فين الشرط بتاع الديب في الجلابيه؟ ما فيه أي حاجه؟ ما واضح؟السائل (معلقاً): نعم، دليل قوى خالص.مولانا الشيخ: مش واضح؟السائل (معلقاً): واضح.مولانا الشيخ: الديب كله شويه راح يشرّط الجلابية ده كلها، وبعدين) وما أنت بمؤمن لنا ولو كنا صادقين (. . .، بدخلوه الجب الأولانى طبعا كناية عن التخلص من النفس الأولانى، مش كده؟ وجوده مع الأسد مع الريس الكبير يعنى، روح القدس، كناية عن روح القدس، قعد في الجب زي ما قعد، بعدين جوه جماعة تجار مسافرين، الخبير بتاعهم قال: يا ناس هنا كان فيه بير، قالوا: بير إيه؟ انت شايف الوطا دغرى مافى، ما في محل بير، قال: لا هنا فيه بير، هنا فيه بير، هنا فيه بير، إدونى حربه، فضل يغز الأرض كده كده كده كده كده، يغز في الأرض، الحربه طعنت الجلد بتاع الإبل وخرقته، قال: ما هنا فيه بي، احفروا التراب، حفروا التراب، بعدوا التراب، بعدوا التراب، لقوا الجلد بتاع الجمل اللي انسدت بيه البير، شالوا الجلد لقوا البير في محله، دلوا الدلو جه سيدنا يوسف متعلق في الدلو، قالوا: ده ولد جميل جدا وعريان، إيه ده؟ انت إنس ولّا جن؟ قال لهم: إنس من خيار الناس، وإيه اللي جابك هنا؟ والله قصتي كذا كذا، وبعدين قالوا: نودّوه لعزيز مصر، ده ولد، ده ولد جميل جداً، إحنا نمشي نبيعه وناخد منه فلوس كتيرة جداً نغني بيهُ، شالوا الولد، مشوا، إيه الولد ده؟ أهـ، ده يقول عايز أشتريه، وده عايز أشتريه، وده عايز يشتريه، وده عايز يشتريه، قال: لا، إحنا ما نبيعه غلا للملك، أغنى واحد في البلد هو الملك، نبيعه للملك، والعجيبة الملك ما عنده ولد، الملك ماعندوش ذرية، قالو له: اشترى منا الولد ده، قال: إحنا نعمل إيه بالأولاد، ده ولد جميل وولد صغير وجميل خالص خالص، لازم تشتريه، قال: لا أنا ما دايره، إحنا جبناه مخصوص عشانك يا جلالة الملك، لا أنا ما دايره، أخيراً أخيراً الملك إشتراه) بثمن بخس دراهم معدودة (يعنى ده ما كان 10قروش، الدرهم يعني قرش. . . تفيد إنها أقل من عشر قروش، يعنى 9 قروش، 8 قروش، 7 قروش ونص، حاجه زي ده،ظاهر؟السائل (معلقاً): نعم.
