برهانيات كوم / الطريقة البرهانية
السائل (معلقاً): القصة مشوشة عند الناس، الناس مفهومها بسيط خالص خالص أو مشوش، يعنى فهم الناس للدين، يعنى فيه نوع من الناس يفهموا دينهم، يقول ليك ده جانب روحى أنا ما اهمله مثلا، أو مثلا أعمل منه الشىء اللى بيعينى فى الحياة، وناس يقول ليك إنه داير الزول يتفرغ للعبادة، وناس تقول ليك مفهوم الدين بحر لا ساحل له، يعنى كل زول من الناس عنده مايبرر بيه، يعنى يبرر بيه الوقت اللى هو فيه.مولانا الشيخ: ما ينفع (وهم يجادلون فى الله وهو شديد المحال) ربنا ما بيعجبه أى حاجة، مابيعجبوش أى حاجة إلا اللى قالوه رسله وأنبيائه، إن شاء الله تبقى سيبويه، ماينفع، تبقى بعيد المعرى، ماينفع، عايز شنوه؟ بس اللى قالوا الأنبياء، النبى قال ربنا زى الغوريللا، تعرف الغوريللا بتعرفوه؟ فيه صنف من القرد، كبير قدر الزول، شين خلاص، إذا النبى قال ربنا زى الغوريللا، وانت قلت زى بنت جميل من الشام، ربنا يقبل بتاع الغوريللا وما يقبلش بتاعك داك، العقل مانفع، انت شخصيا انت ذاتك بطل تفكير العقل فى الدين "الدين منقول مش معقول" فايدة العقل، فايدة العقل إنه لما يوجهوه يتوجه، ماعندوش فاضلية أكتر من كده، زى المراية بيطبع فيه أى شىء، ده فايدة العقل، طيب لما انت راح تدى العقل فى الإلهيات زى ما انت داير، تكذب الحديث وتكذب القرآن وتكذب أى حاجة، واحد وهابى أنا قلت له كلام غريب خالص، أنا قلت حديث هو قال: الحديث ده فى أياته كتاب؟ قلت له: ياته كتاب انت بتعرفه؟ سكت، ما ......... انت بتعرف ياته كتاب؟ قلت له المصحف كلام ربنا؟ قال: أيوه، صورته فى الأول فيه؟ لأ، فى الآخر فيه؟ لأ، إمضاؤه فيه؟ لأ، شهوده فيه؟ لأ، كيف عرفت المصحف كلام ربنا؟ ده سؤال بتاع حشاشين لكنه نضيف جدا، جوه ماصحى دليلك فى إنه المصحف كلام ربنا شنوه؟ ماقِدِرْ.السائل: ياعم الشيخ ........ جه بيهُ الرسول؟مولانا الشيخ: بس الاعتقاد باللى جه بيهُ الرسول مش تخيلات عقلك لأ، الفلاسفة يقولوا: دع العقل ومعقلاته مثل العقال، العلماء يقولوا: وما للعقل وهذا قدر طاقته، مايقدرش على أكتر من كده العقل، خلاص.
