علموا عنى : فيه وحدة وجود، فيه وحدة كون، فيه وحدة وجود، فيه وحدة الأسماء

برهانيات كوم / الطريقة البرهانية 

السائل (معلقاً): السنة وضحت، السنة وضحت.مولانا الشيخ: كثير جداً.السائل: يعنى أى أى أى حاجة، يعنى أى حاجة لما يأمر بيها القران، السنة توضحها؟مولانا الشيخ: السنة توضحها، قول يا خوى؟ هم عندهم غرض يبعدوا الناس من الدين وبس، ما تقدر تقول أى حاجة غير ده، يا أخى واحد بيقول الصلاة على النبى فى العمر مرة، فى  80سنة أصلى على النبى مرة واحد؟ قال لى آى، قلت ليهُ: طيب النبى عليه الصلاة والسلام.مولانا الشيخ: يقول أنا الحرف، فلذلك يقول أنا الحرف لا أقرأ لكل مناظر، الواحد يعمل أوراد، ينصبغ بنور الاسم، لغاية ما يبقى إيه؟ لغاية ما يبقى صورة الاسم، لما يبقى صورة الاسم يترقى للصفة عشان أى اسم طالع من صفة، دوغرى؟ بعد مايبقى صورة يبقى حرف، يبقى حرف، هل محمود عنده ده؟ كون الحرف إشارة والإشارة تفيد لمعنى والمعنى تشير ل وين ده؟ هسه أنا ما كلمتك؟ غالطنى؟ فيه وحدة وجود، فيه وحدة كون، فيه وحدة وجود، فيه وحدة الأسماء، الحرف فى وحدة الأسماء، فات ديل كيف؟ ما تتكلموا؟ المصحف كتاب الله؟ يعنى مكتوب فيهُ إيه؟ قصة الله، يا هو كلام ربنا، زى ماتقول قول، مش كده؟ بعدين المجموع لما يتلف من ده لده، من ده لده، من ده لده، أخيرا بيبقى حاصل الاسم (الله) حاصل الاسم (الله) ده يبقى صفة الألوهية؟ الألوهية كان حرف الألف احنا ماعاوزين سُكات، يا تغالطوا يا تقولوا: أيوة، يا سجم حبوبتك، قول (No) لأ يا، يا تغالط، يا تقول: أيوة، يا تقول: لأ، المصحف كله فيه صفة الاسم (الله) أفعال الاسم (الله) الحلال والحرام والتشريع والجنة والنار وكده، ده كله معنى الاسم (الله) ولا لأ؟ ده كله فى المصحف، مش كده؟ ترجع المصحف للاسم (الله) عشان كتاب الله، ما عندك كتاب عنتر، كتاب عنتر بيقول إيه؟ سيرة عنتر، جتك داهيتين، صحتى ما موافقة وإنت بتطلع عينى، ..... الله ودكتور أمين ما قادر يداوينا، سئل الإمام الشافعى، أنا كلمتكم قصته، قالوا له: إيه كل الدين؟ قال لهم: الإجماع، وما أصل الإجماع؟ قال: كلام رسول الله، الحديث، وما أصل الحديث؟ قال: كلام الله، وما أصل كلام الله؟ قال: الأسماء الحسنى، وما أصل الأسماء الحسنى؟ قال: (الاسم الله) وليس وراء ذلك مرمى لرامى، وسيدى إبراهيم لما يقول: أنا الحرف، سمعت؟ الحرف يعنى إيه؟ المصحف كله جمعناه فى الاسم (الله) مش كده؟ جمعناه فى الأسماء الحسنى، المصحف كله جمعناه إيه؟ فى الأسماء الحسنى ماهم فى غنى عنه، الأسماء الحسنى الأصل فيهُ الإسم (الله) الإسم (الله) الأصل فيه الألوهية، أصل الألوهية كان حرف الألف، كان إيه؟ حرف الألف، بقى واضح؟ نرجع من الأول، نرجع للكلام تانى، هناك، قول انت، ...... قول.السائل: ...... ؟مولانا الشيخ: طلع من الأسماء.السائل: ...... ؟مولانا الشيخ: الإسم (الله) أصل الإسم (الله) الألوهية.السائل: ....... الألوهية ........ ؟مولانا الشيخ: وبعدين فى واضح الحال فيه وحدة كون اللى هو الدرّة، خلاص؟ فيه وحدة كون، الكون ده كله كان واحد اللى هو الدرة، مش كده؟ فيه وحدة الوجود اللى هو الأجساد والأرواح، كان الياقوتة، بعد كده وحدة الأسماء، بعد كده وحدة النبى اللى هو عين بحر الوحدة، ده متسجل ولاّفات ساكت؟السائل (معلقاً): متسجل يامولانا.مولانا الشيخ: كله كده تمام؟ مضبوط كده؟ الله، قصة المصحف وضح؟ بعدين فيه وحدة الكون اللى هو الأجساد كلها بنى آدم وبهايم وحيوان وشجر وكله، أصله إيه؟ الدرة، أصل الدرة؟ الياقوتة، أصل الدرة إيه؟ الياقوتة، مش كده؟ أصل الياقوتة؟ عين بحر الوحدة، مش كدة؟ عين بحر الوحدة لأ وحدة الأسماء، وحدة الأسماء، بعد وحدة الأسماء عين بحر الوحدة، خلاص؟السائل: دى أصلها ...... ؟مولانا الشيخ: أصل كل شىء.السائل: هو، هو صلى الله عليه وسلم؟مولانا الشيخ: هو صلى الله عليه وسلم، ده لما يقول: أنا الحرف لا أقرأ لكل مناظر يعنى النبى عليه الصلاة والسلام، مش ألف ولاّ باء ولاّ تاء ولاّ ثاء، ولاّ كلام زى ده عشان كل الحروف من الألف، ده الألف كده، تسووه كده يبقى دال، تسووه كده يبقى جيم، تسووه كده يبقى ب، زى ما كل الأسماء من الإسم (الله) كل الحروف من الألف.السائل: إذا كان الحديث أصل الألوهية ... .. ؟مولانا الشيخ: الألوهية.السائل: الأصل وجود الألف ..... ؟مولانا الشيخ: الاسم (الله) إعتمدته، أصل الإسم (الله) الألوهية حرف الألف.السائل: ...... ؟مولانا الشيخ: لأأنا ما شغلى فى الهاء، إحنا فى الألف، ما أنا الحرف لا أقرأ لكل مناظر؟السائل: ........ الهو ........ ؟مولانا الشيخ: أيوه، هو ها هى أه، تفاصيل، إذا حفظتها نمشى نكمله كده.السائل: ... ....سائل آخر (معلقاً): المصيبة إنه هو يستحى يعمل أعداد بالكلام ده داك، داك ها ينقل ليك الكلام ده كله.مولانا الشيخ: ما تكلمه، راح يعمل ده فى كتاب من كتبهسائل آخر (معلقاً): نحن نفهموا من دى ونحفظوا.مولانا الشيخ: تخيل فيه ...... ، هو قال شنوه؟السائل (معلقاً): هو بيقول داير يفسر القران تفسير صوفى، تفسير صوفى بحيث أن يعنى يقرأ جزء ......سائل آخر (معلقاً): ....... ويا عبادة، ح يتكلم عن الوفاء، حاب أأكد ليك ......... الكبرى ...... الأولىمولانا الشيخ: آآآه غايته، اللغة ما كفاية يا عم الشيخ اللغة ما كفاية، لو كان اللغة كفاية كان العرب اللى أصلا ًلغتهم كان ياهو ده كانوا فهموه.