برهانيات كوم / الطريقة البرهانية
سيدنا يوسف عليه السلام
س: ما هى قصة سيدنا يوسف كما ورد من حقيقة الامر؟مولانا الشيخ: سيدنا يوسف عليه السلام نبى ورسول إن بنى ورسول ابن نبى ورسول ابن نبى ورسول , واشتغل شغل الألياء , فعليه (يُوسُفُ أَيُّهَا الصِّدِّيقُ) والصديقية مرتبة فى الولاية , أى شغال شغل الصديقين اللى هم الأولياء.أولا سيدنا يوسف شاف رؤيا (إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ) أبوه سيدنا يغقوب قال له (يَا بُنَيَّ لَا تَقْصُصْ رُؤْيَاكَ عَلَى إِخْوَتِكَ فَيَكِيدُوا لَكَ كَيْدًا إِنَّ الشَّيْطَانَ لِلْإِنْسَانِ عَدُوٌّ مُبِينٌ) الرؤيا اللى شافها سيدنا يوسف كيرة خالص " الرؤيا تسربت " طلعت علشان إيه؟ علشان يحذروه.كل موضوع له ظاهر وباطن (إِنِّي رَأَيْتُ أَحَدَ عَشَرَ كَوْكَبًا) بطون الهوية 11 مرتبة , والقمر كناية عن التجليات النبوية الصرفة أعلى من مراتب الأسماء والصفات , والشمس كناية عن التجليات الإلهية الصرفة أعلى منمراتب الأسماء والصفات.وسيدنا يوسف شاف إن ربنا حيجتبيه وحيكرمه بوصول المرتبة ـ المراتب دى ـ المراتب دى باطن الرؤيا , ظاهرها 12 أخوة , العشرة الأولانين أمهم ماتت , الدليل حتى تأتونى (بِأَخٍ لَكُمْ مِنْ أَبِيكُمْ) أبوه قال له إذا الرؤيا دى ظهرت للأولاد دول حيقولوا إنك إنت حتستلم أمك وأبوك.فلذلك إفشاء الرؤيا كان خطأ , علشان كده ماحدش يكلم واحد ابن طريقة على رؤيا , والأوراد من باب أولى , التنوير من باب ستين أولى , الكشف من باب سبعين أولى.إتفقوا الأولاد لازم نودى الواد ده , إذا ما وديناهش إحنا ما حنقدرش نستلم ولا نقعد فى البلد , حيستلم أبونا وأمه ويستبعدنا إحنا الـ 11 فلذلك لازم نضيع الولد , قالوا لأبوهم الولد حايمرض لازم يخرج يلعب وأبوه يقول أخاف يأكله الذئب , قالوا له إحنا فرسان وطوال وأشداء وشداد وأخونا يأكله الذئب كيف؟ ساقوا الولد , وذبحوا الجمل , جم العشاء قالوا (يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِنْدَ مَتَاعِنَا فَأَكَلَهُ الذِّئْبُ وَمَا أَنْتَ بِمُؤْمِنٍ لَنَا وَلَوْ كُنَّا صَادِقِينَ) من شدة المحبة أبيضت عيناه من الحزن , المحبة أصله شديدة وليس من البعد ولكن المحبة ذاتها , أبوهم مش قال لهم ده قبل ما يحصل , وسيدنا يعقوب عارف إن الانبياء كلهم اولاد الولد ده فلذلك فهو حريص جداً عليه , بعدين رموه فى الجب.وذبح الجمل دليل على التخلص من النفس الاولى علشان الجمل هو إيه؟ الركوبة , دخوله فى الجب ـ دخوله الخلوة ـ استعدادا للنفس الثانية , لما وقع فى الجب وقع فوق رأس أسد , فيه خرم كبير فى البير , وفيه دبيب يأتى بفطيسة للأسد وبرتقالتين لسيدنا يوسف.كون الحية تجيب له رزقه وتجيب لعدوه رزقه يعنى ربنا قوتهتنفذ على الصالح والطالح , قعد فى الجب 41 يم على المعتمد وهى الخلوة.جم تجار فايتين , الخبير قال لهم هنا فيه بير , الخبير ـ خبير السيارة ـ طعن بالحربة وجد البير مغطى بجلد الجمل , دلو الدلو , سيدنا يوسف ركب فيه , قالوا نبيعه بثمن غالى , وكان زمن سيدنا يوسف قال أنا جميل لو باعونى كان الثمن غالى جداً , ربنا حاسبه على كده , جم يبيعوه لعزيز مصر قال لا حاجه لى به , من هنا لهنا أصر بتسعة قروش.
