من علموا عنى لسيدى فخر الدين : درس عن تشخيص سيدنا الامام على للمنافق

برهانيات كوم 

من علموا عنى لسيدى فخر الدين الشيخ محمد عثمان عبده البرهاني - الجزء الأول :

سئل سيدنا على قالوا ليه، شخِّص لينا المنافق كده واحد: قال لهم: إنما المنافقون الذين (لا يذكرون الله إلا قليلاً) (ولا يأتون الصة إلا وهم كسالى ولا ينفقون إلا وهم كارهون) ده الحديث، كلام سيدنا على الحديث كده لّمن نقول مثلاً، إنما المنافقون الذين (لا يذكرون الله إلا قليلا) معناه مش اللى أوراده شوية بقى منافق؟ طبعاً، اللى أصله ما بيقرا ما منافقين!! اللى بيمنع الأوراد مش ستين منافق، ده المصيبة اللى واقعة للناس هسّه، ده الفرق ما بين عبادات الصوفية وعبادات الناس، الصوفية شافوا إنه مافى أبداً الإنسان ما بيحب أى حاجة أكتر من نفسه، طبعاً إحنا بنحب الأكل، بنحب الشرب، بنحب اللبس، بنحب الهدوم، بنحب أولادنا، بنحب .. ، بنحب .. لكن مافى حاجة بنحبه أكتر من نفسنا، مافى حاجة نقدر نحبه أكتر من نفسنا أصلاً، بعدين ربنا هنا رابطنا قال (لن تنالوا البر حتى تنفقوا مما تحبون) أهل التفاسير قالوا: الإنفاق ده هو إنفاق المال، الذهب والفضة وكذا وكذا، الصوفية قالوا أبداً، إحنا بنحب المال، لكن هل بنحب المال أكتر من أولادنا؟ طبعاً لا، هل بنحب أولادنا أكتر من رقبتنا؟ طبعاً لا فالآية بتقول لينا: تنفقوا رقبتكم لله، أبسط الإنفاق الواح يعمل ليه - الليل والنهار 24 ساعة - يعمل ليه ساعة، ساعتين لله، ده أبسط الإنفاق، تربط من زمنك زمن تعمل ده مصدَّقة، مصدقَّة، منة لله إنك إنت تقرأ، يعنى حالة الأوراد تعرف العبادة النظيفة، اللهم علمنا وعلم بنا وارحمنا.السائل: آمين.