برهانيات كوم
فبيكتموا الأسرار اللى قالوا لهم تكتموها حتى النبى عليه الصلاة والسلام، النبى عليه الصلاة والسلام قال (علم أمره بتبليغه ربنا، علم خير له فيه، وعلم أمره بكتمه) ظاهر؟ اللى هو مراتب الإحسان، فعليه مايصحش واحد مريد يحكى أحواله للتانى، ربما يحسده، ربما يقول أنا أقدم منه كيف ده بيشوف، ده لازم أنا ما إبن طريقة، يربى ليه الشك، فالستر كان أحسن.السائل: وإذا كان واحد تعرفه محب، محب وقلبه طيب، كمان نستره، يعنى أخ محب فى الله وقلبه طيب؟مولانا الشيخ: ما تقول ليه أنا شفت، ما تقول ليه أنا شفت، الناس بيشوفوا كذا كذا قول ليه، لّمن تقول له أنا شفت نسبت الشى لنفسك، صدِّقوا يا إخوانا كل الجد الواحد ما بيقوله، الرسول يقول كده صلوات الله وسلامه عليه (يكفى ابن آدم من الإثم أن يحدث بكل ما علمه) ما واضح يا مسلمين آخر الزمن، كلنا بنعرف حالات زوجية ولاّ لا؟ ممكن نيجى نحكيه فى المجلس.السائل معلقاً: حرام ........مولانا الشيخ: مش ده حرام، مش حرام؟ ياهو كده، تانى عندك حاجة.السائل: أيوة المجاذيب ترتيبهم ونظامهم؟مولانا الشيخ: ما قلت ليك، بعد الواحد ما يسرى يصل محطة الرحال.السائل: بس هما هناك فى الدنيا لهم أوضاع خاصة عجيبة تخالف الشرع، واشيا هذه؟مولانا الشيخ: هم مالهم ومال الشرع.السائل: تحير الناس؟مولانا الشيخ: أيوه.السائل: أى هذه كيف تعليلها؟مولانا الشيخ: لا ولا بيحتاج، عادة، عادة تبارك وتعالى بيدى الإنسان، عقل أو حال، أو مرة يكون عنده عقل، مرة يكون عنده حال، ظاهر؟السائل (معلقاً): نعم.مولانا الشيخ: اللى عنده عقل بيخاطبوه بالشريعة، اللى عنده حال بيعفوه من الشريعة، اللى مرة عنده حال ومرة عنده عقل، لما يكون عنده عقل يطالبوه بالشريعة، لما ما يكون عنده عقل يسامحوه، ده الحكم الشرعى.
