برهانيات كوم
مولانا الشيخ: ما فيه مستحق، ظاهر؟ مش ده المرتبة اللى احنا واقفين فيه، الإخلاص يعنى ايه؟ يعنى ربنا قال لينا تصلوا، تصلوا كيف؟ تستبروا زى ما أنا قلت ليكم بواسطة رسولى، تتوضوا زى ماقلت ليكم بواسطة رسولى، ظاهر؟ تتجهوا الناحية اللى أمرت بيه رسولى، واضح؟ بالعدد اللى أمرت بيه رسولى بالإقبال والحضور، فلذلك قال صلى الله عليه وسلم (صلوا كما رأيتمونى أصلى) (1) ما قال: صلوا كما أمركم الله، تقليد الرسول فى الصلاة بقى أمر واجب، صورة العمل ده ايه؟ صورة العمل عاوزين الإخلاص فيه، عاوزين الإخلاص وعدم الإخلاص، ايه هو الإخلاص؟ ظاهر؟ المخلص المخلص بيعبد زى ما كلفوه بالنصوص اللى قلناه ده، ظاهر؟ ويطلب ايه من ربنا جل وعلا؟ يطلب أجرة عمله ده، عشان عادة الفلوس عندنا فى الدنيا بيقضوا ليك أى غرض، فى الآخرة منزلة القروش الحسنات، تقضى بيه أى غرض، ظاهر؟ بيقول أنا قريت (1) القرآن الحرف الواحد بعشر حسنات، النهار ده قريت جزء فيه كذا كذا كذا كذا ألف حسنة، مش كده؟ راح يقول كده، صليت على النبى كذا كذا عدد، والصلاة على النبى كذا كذا عدد بيستحق كذا كذا من الفضائل، مثلا ذكرت ربنا جل وعلا كذا كذا، أستغفرت كذا، عملت كذا، عملت كذا، أحسنت كذا، سويت (2) كذا، لمن (3) هو يعد الإيجار، يعنى الحسنات اللى بيستحقه من ربنا، ربنا كمان راح يقول ليه تعالى، أنا كمان أطالبك بالإخلاص، أنا أطالبك بالإخلاص، بعدين بيقع المشكلة هنا، ما احنا عاوزين نحاسب ربنا، احنا ما قلنا له قدمنا ليك، كل يوم بقرا جزء قرآن كل يوم باصلى على النبى كذا، كل يوم باعمل كذا، كل يوم باتنفل كذا مش عددنا؟ عددنا ايجارنا عن العمل ده انه نشترى بيه الجنة من ربنا، لما يكون الانسان غرضه ده، ربنا كمان حايقول ليه تعال، أنا كمان طالبتك وضحت ليك بلسان الرسول إنك لازم تخلص، أنت أخلصت فى عملك؟ أفتكر ما واضح كده؟!!! طيب من الأول بسم الله، نقول كل الناس ربنا وقفهم فى المحشر، بعدين خلص الحساب، الحساب خلص، قسم أصحاب اليمين وأصحاب الشمال بعدين من أصحاب اليمين طلع أصحاب يمين تانى، من أصحاب اليمين طلع أصحاب اليمين تانى، زى النظام اللى قلناه فى ترتيب الحديث، آخر حاجة كان راح يكون أيه؟ المخلصين، مش كده؟ ما طالبوهم بالإخلاص ضرورى النص أخلص والنص ما أخلصش مش كده؟ يخاطب الملايكة تبارك وتعالى يقول (يوم يكشف عن ساق فيدعون الى السجود فلا يستطيعون) الساق هنا معناه ساق العرش، يأمر الملايكة يرفعوا الأستار من ساق العرش ويأمر المخلصين أو مدعين الإخلاص بالسجود، طبعا بعضهم سجدوا وبعضهم ما سجدوا، بعضهم سجدوا طبعا، بعضهم ما سجدوا، اللى سجدوا ديل، ظاهر؟ الملايكة تقول لهم أهو داك ربنا جاى، يوم يأت ربك (فى ظلل من الغمام) (جاء ربك والملك صفا) يقولوا أعوذ بالله من الشيطان الرجيم، ما تقولوا كلام زى ده، أحنا جينا فى أخر مرتبة وكمان دايرين تكفرونا، يا مخلصين لعنة الشيطان كان إلى يوم الدين وهذا يوم الدين وما فيش شيطان بس ما تقولوش زى ده؟ وقع النقاش، أخيرا تجلى تبارك وتعالى.السائل (معلقا): سبحان الله!مولانا الشيخ: فى الأول، فى الأول، هم بيقولوا أعوذ بالله من الشيطان الرجيم ليه؟ هم أخلصوا فاقدهم حاجة، ده سر المهنة، ايه اللى فاقدهم؟ عادة، عادة، الوضع الإلهى فى الدنيا، ربنا عمل لينا عيون، ظاهر؟ وعمل للبهايم عيون مش كده؟ التشاكل لمن أنا أبقى زيك، بعيونى أدركك وأنت كذلك واضح؟ كل الناس اللى فى الأرض كده، فكركم إذا جبنا سمكة فى البر بينظر؟ ما ينظرش، واحد نزل البحر يشوف؟ ما يقدرش، نفهم من العملية دى إن العيون معمول بموازين دقيقة غير ربنا حد بيعرفها مافى، واضح؟ بعدين رؤية التجليات الإلهية ما ممكن إلا بنور إلهى من أنوار الأسماء الإلهية تسمعهم يقولوا: فشهدتهم بعيونهم، واضح؟ واضح؟ وبعيدن رؤية التجليات الإلهية ما ممكن إلا بنور نبوى:يا طالباً عرفانه من غيره ... هيهات ذا صدت به فرسانه
