برهانيات كوم
موضوع جهاد النفس ده غرايبه كتيرة، غرايب جهاد النفس كتيرة، لما يقول جهاد أصغر، أقام الجهاد فى سبيل الله جهاد أصغر أقام جهاد النبى صلوات الله وسلامه عليه جهاد أكبر، أقل شى راح نعمل مقارنة، الجهاد المعروف عندنا على الجهاد المجهول عننا، اللى هو جهاد النفس، طبعاً، مش كده؟ مفيش حيلة إلا ده، فلما نقول الجهاد الأصغر مضروب بيه المثل للجهاد الأكبر اللى هو جهاد النفس، فكان الجهاد أصلاً لابد من خليفة، خليفة مسلمين، الخليفة ده لازم يلم فضلات أموال المسلمين وبعدين يجهز جيش، يلم معدات الجيش ده من حصان، ده درع، ده سيف، ده حراب، ده كذا، ده كذا، الشى اللى .. بيه عدو الله، لّمن ده جهز ده بالشكل ده، فالجهاد شرطاً يكون لإعلاء كلمة الله، ده الجهاد فى سبيل الله، نعمل مقارنة ما بين داك وده، الجهاد فى الله، الجهاد فى الله لابد ليه من شيخ للطريقة زى السيد أحمد الرفاعى، السيد عبدالقادر الجيلانى، السيد البدوى، السيد ابراهيم الدسوقى، الإمام الشاذلى، كده، لابد من رئيس أولاً، فالرئيس لابد يكون عنده جيش، ظاهر؟ الجيش ده لابد يكون مسلح، أولاً القائد بتاع الجيش اللى راح يحاربوا تحت لواه ده العم المرشد المباشر المأذون، الحى، مش شيخ الطريقة هو الرئيس الأول اللى مثّلْنَاه بخليفة المسلمين، فلابد للمريد ده يكون عنده همة، الهمة ده هو الحصان اللى راح يمشى بيه، لابد يكون عنده درع، الدرع ده يعنى حزب السيف، لابد يكون عنده سيف يحارب بيه، فكان الإسم (الله) هو السيف اللى راح يحارب بيه (اللَّهُ يَتَوَفَّى الْأَنْفُسَ حِينَ مَوْتِهَا) 42 الزمر، لابد من مساعدة جيش تانى زيادة على ديل، مش كده؟ (وَمَا النَّصْرُ إِلَّا مِنْ عِنْدِ اللَّهِ) 126 آل عمران، خلاص؟ زى ما كان داك جهاد فى سبيل الله، الجهاد فى الله أبسط الأشياء قول زى ده، يحارب مين؟ يحارب مين؟ تبارك وتعالى خلق الصنف البشرى مجموعة للأضداد، فى من هنا الروح، الروح ده، مادام ملك لابد من وزراء، فكان وزاره فنون التوحيد (توحيد الألوهية، توحيد الهوية، توحيد الربوبية، توحيد كذا) فنون التوحيد، لابد من جيش فكان الجيش الملايكة، الوجه التانى كان، الملك الهوى، لابد من وزراء فكان الوزراء الأنفس، لابد من جيش فكان الجيش الشياطين، الإتنين ديل محاربين بعضهم، تبارك وتعالى بيطالبنا بيقول (إِنْ تَنْصُرُوا اللَّهَ يَنْصُرْكُمْ) 7 محمد، معقول الموضوع ربنا ما مغلوب لواحد عشان يطلب مننا نصره، فكان الوجه الإلهى المعرف بالروح ده المغلوب بالنسبة للهوى، ظاهر؟ يقول المشايخ فى الموطن ده، واحد ولى كبير لقى ولى صغير مبسوط وبيرقص، بيورّى له القصة، قال له (توضأ بماء الغيب إن كنت ذى سر) إذا إنت من الناس اللى لهم حالة صادقة مع الله، اجتهد فى العبادة عشان يتدلى ليك فيوضات الحظائر الأقدسيات، تطهر لك روحك، إنت شايلك الحال، وإنت لسه ناقص كتير (توضأ بماء الغيب إن كنت ذى سر) وإلا إذ مش من أهل الحالة ده (تيمم بالصعيد وبالصخر) تعالى مع الناس إتوضى وصلى وصوم وزكى واعمل كده، لّمن تكون من الناس الإعتياديين (قدم إماما كنت أنت أمامه) إنت أخرت الروح وقدمت الهوى، فقدم الروح وأخر الهوى (قدم إماما كنت أنت أمامه) إذا قدرت على ده (تصلى صلاة الفجر أول العصر) لما يتفجر قلبك من المعارف ويكون العصر بمعنى الزمن زمنك، العصر يعنى الزمن، لما يكون الزمن زمنك ويتفجر قلبك بالمعارف (وصل صلاة الفجر فى أول العصر) أول زمنك يعنى (فهذى صلاة العارفين بربهم) دى صلاة الرؤساء كده (فإن كنت منهم) العادة بيرشّوا البر بالبحر، بيرشّوا الأرض بالمويه، قال لا ترش البحر بالبر، ترش البحر بالبر إيه؟ يعنى جسدك معتبر بر، أرواح الباقين معتبر بحر، تشيل من جسدك ده شوية تعمل كده لديل، لأرواح ديل، ظاهر؟ زى فن الإكسير ترجعهم للكمال الأقدس، خلاص؟
