برهانيات كوم
بعدين نرجع لقصتنا، الزجورات طبعا الملائكة الكروبيين بيزجروا الملائكة الروحانية، الملائكة الروحانية بيزجروا قبائل الجن، ظاهر؟ بعدين تعال للسير الاعتيادى لمن نقول آية من المصحف، أو إسم إلهى، أو صلاة على النبى، التلاتة ديل هم أصناف السير، مش كده؟ أى مرتبة مافيه السطوة الإلهية ما بيعتبروه، نقول من هنا لهنا، مرتبة المردة، من هنا لهنا، مرتبة الجن، من هنا لهنا مرتبة كذا، من هنا لهنا مرتبة الروحانية، ديل مرتبة الفلكية، ديل مرتبة الكذا كذا، مش كده؟ أى مرتبة من المراتب ديل مش ربه (الله)، مش مزجورين، لمن يجى واحد يمسك الأسماء الإلهية من نفسه بنفسه لنفسه، ظاهر؟ الآيات المصحفية، الصلوات على النبى عليه السلام، يبتدى ليه من أصغر عالم من الزوابع والتوابع والعفاريت والمردة ومطلق الجن والنصارى بتاعينهم، اليهود بتاعينهم المجوس بتاعينهم، لغاية ما يقطع عوالم الجن، تبتدى عوالم الروحانية، ديل بيذكروا لوحده عشان إيه الشبكات دى كلها، عشان تبارك وتعالى قيدنا قال (فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (43) النحل) دى آية مطلقة، حصل مرة قاعدين نفسر فى الآية دى ونتناقش فيه، الفلاح اللى ما متمدن ده جايب ليه واحد طالب علم، قال لُّى: يا أخينا، قلت ليه: نعم، قال (فَاسْأَلُوا أَهْلَ الذِّكْرِ (7) الأنبياء) مش العلماء؟ قلت له: فى البعض العلماء، قال لا بل فى الكل، قلت له: لا فى البعض، قال: لا فى الكل، قلت له: لا فى البعض، قلت له: يا أخى أنا بأقول لك لا، إنت بتقول لى أيوه، يا إنت توضح يا أنا أوضح، قال لى: وضح إنت، قلت له :
عاوزين نعرف الأحكام، ده صلاة، ده صوم، ده حلال، ده حرام، عاوزين نتعلمه، نتعلمه فين؟ قال: عند العلماء، كويس، ربطناه كده، قال: أيوة، قلت ليه: العالم والطالب الإتنين عاوزين يهندسوا البيت ده يروحوا للعلماء ولا يجيبوا مهندس؟ قال: يجيبوا مهندس، العالم والطالب والمهندس، واحد قال ليهم: شوال الدقيق بيطلّع كام رغيف؟ المهندس ده حايعرف؟ قال: لا، المهندس ما يعرفش؟ لا، العالم مايعرفش؟ لا، الطالب مايعرفش؟ لا، أمّال نعمل إيه؟ نروح الفرّانين، يا جناب الفران، إنت مابتعرف شوال العيش بيطلّ كام رغيف؟ ايوة، راح يقول لك كذا، الزراعة كده، النجارة كده، كل الفنون كده، قال: صح، قلت له: من باب أولى، مراتب الذكر لازم الواحد يسأل عنه الناس اللى بيعرفوه (فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (43) النحل) ما دمت إنت ما بتعلم، تفتش الشئ اللى إنت عايزه عند الناس اللى بيعلموا حتى يدلوك
